Сеткавае выданне zviazda.by

Мінулыя выхадныя атрымаліся цалкам прысвечаныя хакею. Нават тыя, хто звычайна не сочыць за лядовымі падзеямі, у гэтыя дні праігнараваць хакейныя навіны проста не маглі. Гэтымі днямі хакеісты стварылі гісторыю, якая ўжо ўпісана ў спартыўны летапіс. Аднак, аб ўсім па парадку.

Дырэктыва № 11, якую Прэзідэнт падпісаў 2 красавіка, — бадай што, самая папулярная сёння тэма не толькі ва ўладных кабінетах, але, як кажуць, і ў народзе. Яе палажэнні закранаюць не толькі пытанні функцыянавання органаў улады і дзяржаўных арганізацый, але і выканальніцкую дысцыпліну, якая датычыцца літаральна ўсіх без выключэння. Як неаднойчы падкрэсліваў Прэзідэнт, менавіта ад яе, ад таго, наколькі адказна і якасна кожны на сваім месцы выконвае свае абавязкі, у многім залежыць і дабрабыт краіны ў цэлым, і яе суверэнітэт. «Далейшае павышэнне якасці жыцця ў нашай краіне — гэта сумесная работа дзяржаўных органаў усіх узроўняў, арганізацый незалежна ад формы ўласнасці і грамадзян, — гаворыцца ва ўступнай частцы дакумента. — Добрасумленным, адказным, творчым стаўленнем да службовых абавязкаў, высокапрадукцыйным выкарыстаннем працоўнага часу кожны з нас робіць свой унёсак у агульны дабрабыт і ўстойлівасць краіны. Выканальніцкая дысцыпліна з’яўляецца адным з ключавых фактараў гатоўнасці дзяржаўных органаў і іншых арганізацый аператыўна і эфектыўна рэалізоўваць пастаўленыя задачы». «Рэалізацыя пастаўленых на пяцігодку якасці задач па ўсебаковым пераўтварэнні дзяржавы і грамадства патрабуе кардынальнага павышэння эфектыўнасці функцыянавання сістэмы органаў дзяржаўнай улады, кіраўніцкай дзейнасці, узмацнення выканальніцкай дысцыпліны, сацыяльна адказных адносін кожнага да працы», — гаворыцца ў дырэктыве. Для гэтага дакументам прадугледжаны пэўныя меры і захады, якія варта разгледзець падрабязна.

У Беларусі існуюць мастацкія праекты, якія з кожным годам толькі набіраюць папулярнасць. У прафесійных колах, і не толькі ў іх, праходзяць дыскусіі, вядуцца спрэчкі — словам, вызначаецца станоўчае і сумніўнае... Асноўныя ж пытанні, да якіх зводзяцца абмеркаванні: ці вартыя тыя ці іншыя работы ўвагі гледача, ці стае прафесіяналізму маладым і нават сталым аўтарам, ці дастаткова жыццёвай і мастацкай практыкі яны маюць, наколькі актуальныя іх разважанні і, самае галоўнае, што ўвогуле можна сёння лічыць творам мастацтва. Аднак, у тым ліку дзякуючы ўжо звыкламу асяроддзю, адкрытаму для крытыкі, гэтыя праекты маюць шмат прыхільнікаў: расце колькасць мастакоў, якія імкнуцца паўдзельнічаць, павялічваецца і аўдыторыя, уважлівая да створанага сучаснікамі.

Аляксандр Лукашэнка падкрэсліў, што сабраў гэтую нараду для таго, каб абмеркаваць, наколькі эфектыўна расходуюцца сродкі на развіццё спорту, і ў прыватнасці гульнявых відаў. «Таму што гэта наша ўсё, гэта тое, што любіць народ і тысячы-тысячы чалавек прыходзяць на гэтыя гульні», — сказаў ён. Кіраўнік дзяржавы заўважыў, што неабходнасць абмеркавання дадзенай праблемы наспела даўно. «Мы, канешне, выпрацавалі пэўную сістэму падтрымкі каманд, трэнераў, спартсменаў. Нам трэба з улікам нашага досведу і выпрацоўкі тых кірункаў нашага супрацоўніцтва адкінуць усё непатрэбнае і вызначыцца, як будзем жыць далей», — задаў тон нарады беларускі лідар.

Перамога тыдня. Беларуская тэнісістка Арына Сабаленка ўпершыню ў кар’еры выйграла турнір катэгорыі WTA-1000 у амерыканскім Маямі з прызавым фондам 8,9 мільёна долараў. У вырашальным паядынку першая ракетка планеты перамагла амерыканскую тэнісістку Джэсіку Пегулу з лікам 7:5, 6:2. Сустрэча працягвалася 1 гадзіну 29 хвілін.

У канцы красавіка з Магілёва можна будзе ляцець у Маскву, а Брэст звяжуць рэгулярныя рэйсы з Санкт-Пецярбургам. І гэта яшчэ не ўсё, што гатова прапанаваць пасажырам «Белавія», якая сёння носіць статус нацыянальнай авіякампаніі. Кіруемая дзяржавай, кампанія і ў літаральным сэнсе нацыянальная і народная. Народжаная ў 1996-м, «Белавія» разам са сваёй краінай праходзіла ўсе шляхі станаўлення і развіцця. З году ў год яна станавілася ўсё мацнейшай, гучней заяўляла пра сябе поспехамі і здабыткамі. І, як і краіна сёння, напоўніцу адчула прыгнёт санкцыйнага ціску. Але, як і краіна, не здалася, шукала і знаходзіла новыя шляхі развіцця, новыя маршруты палётаў. У выніку і на гэтай траекторыі ўжо дасягнула значных вынікаў, вярнула ўпэўненасць у сабе і здабыла новых партнёраў. Набор вышыні працягваецца.

Таленавітым спалучэннем лірычнай мелодыі і пяшчотнай паэзіі радуе гледачоў новы цыкл канцэртаў «Стиха и музыки творенье...». Першая праграма цыкла «Белы перазвон» прысвечана рускай паэзіі ХІХ — пачатку ХХ стст. у музычным прачытанні кампазітараў Беларусі і Расіі.

На персанальную выстаўку майстра манументальна-дэкаратыўнага і прыкладнога мастацтва, жывапісца Барыса Семілетава «Буйным планам» запрашаюць у галерэю «Арт-Фабрыка». Тыдзень таму экспазіцыя, у якую ўвайшлі карціны, напісаныя і некалькі гадоў таму, і сёлета, размясцілася на пляцоўцы, дзе цяпер можна пазнаёміцца з работамі іншых беларускіх жывапісцаў, у тым ліку сына Барыса Семілетава — Івана.

Сёлета ў інтэрнэце з’явіўся сайт «Некропаль Беларусі». Яго аўтар і распрацоўшчык — дэпутат Палаты прадстаўнікоў Галіна Бяляева. Сайт актыўна напаўняецца, і дапамагаюць у гэтым народнай выбранніцы яе выбаршчыкі. Яны, дарэчы, і прапанавалі стварыць сайт.

Героі тыдня. Хакеісты «Дынама-Мінск» упершыню ў гісторыі пачнуць выступленне ў першым раўндзе плэй-оф Кантынентальнай хакейнай лігі на дамашнім лёдзе. У заключным матчы рэгулярнага чэмпіянату «зубры» на выездзе сустракаліся з «Сочы». Вынік матча 6:2 — на карысць мінскіх хакеістаў. Такім чынам, за 68 тураў мінчане набралі 86 ачкоў і занялі чацвёртую пазіцыю ў табліцы Заходняй канферэнцыі. Першым сапернікам «Дынама-Мінск» у першым раўндзе Кубка Гагарына стане маскоўскі ЦСКА, які фінішаваў пятым. Каманды сустрэнуцца на «Мінск-арэне» 26 і 28 сакавіка. Далей каманды пераедуць у Маскву, дзе сустрэнуцца 30 сакавіка і 1 красавіка. Пры неабходнасці матчы з пятага да сёмага адбудуцца 3 красавіка (Мінск), 5 красавіка (Масква) і 7 красавіка (Мінск).