Сеткавае выданне zviazda.by

У Міністэрстве адукацыі Беларусі вызначылі план прыёму ва ўстановы вышэйшай адукацыі на бягучы год. У адукацыйным ведамстве падкрэслілі, што набор у ВНУ колькасна будзе такі ж, як і летась. План прыёму ў каледжы на 2025 год таксама сфарміраваны на ўзроўні плана прыёму 2024 года. Аб’ём і структура прыёму для падрыхтоўкі спецыялістаў па запатрабаваных эканомікай спецыяльнасцях скарэкціраваны. Іншымі словамі, універсітэты стануць менш рыхтаваць лірыкаў — філосафаў, сацыёлагаў, філолагаў, псіхолагаў, дыпламатаў, бізнес-адміністратараў, эколагаў, гісторыкаў і іншых, а падрыхтоўку фізікаў — спецыялістаў па дакладных навуках — павялічаць.

Аграрыі Брэсцкай вобласці фактычна закончылі сяўбу ранніх збожжавых і зернебабовых культур. Першымі з гэтай работай справіліся земляробы Жабінкаўскага, Маларыцкага, Столінскага раёнаў, следам за імі адсеялася большасць іншых. Нават сельгаспрадпрыемствы Баранавіцкага і Ляхавіцкага раёнаў, якія ўключыліся ў работу яшчэ пазней, на фінішную прамую выйшлі нароўні з астатнімі, паведамілі ў Камітэце па сельскай гаспадарцы і харчаванні Брэсцкага аблвыканкама.

У Беларусі пасеялі раннія яравыя збожжавыя і зернебабовыя культуры (без кукурузы, грэчкі, проса) на 306,9 тыс. га, што складае 50,6% да плана, паведамляе БелТА са спасылкай на Міністэрства сельскай гаспадаркі і харчавання.

Пачнём з таго, што Беларускі дзяржаўны аграрны тэхнічны ўніверсітэт — не проста ўніверсітэт, а адукацыйны, навуковы і інавацыйны цэнтр Рэспублікі Беларусь. З адпаведнымі магчымасцямі і кампетэнцыямі.

Заключны этап універсітэцкіх алімпіяд у рэгіянальных вышэйшых навучальных установах завершаны. Удзел у ім узялі 3,6 тысячы чалавек і гэта на 500 больш, чым у 2024 годзе. Аб чым гаворыць такі вынік і што чакае пераможцаў алімпіяд, расказвае кансультант Галоўнага ўпраўлення прафесійнай адукацыі Міністэрства адукацыі Рэспублікі Беларусь Наталля Жытнікава.

У 2025-м скончаць школу каля 56 тысяч адзінаццацікласнікаў. Наперадзе іх чакаюць выпускныя і ўступныя іспыты — здача цэнтралізаваных экзаменаў і тэсціравання, канчатковы выбар спецыяльнасці, ВНУ або каледжа. Да вырашальнага перыяду — усяго пара месяцаў, уступная кампанія гэтага года афіцыйна пачнецца ў канцы мая правядзеннем ЦЭ і ЦТ, у канцы чэрвеня падаваць дакументы ў навучальныя ўстановы пачнуць мэтавікі, а ў ліпені — усе астатнія. Скончыцца прыёмная кампанія ў вышэйшыя навучальныя ўстановы ў пачатку жніўня. У Міністэрстве адукацыі запэўнілі, што прынцыповых змяненняў у правілы прыёму не прадугледжана. Аднак ёсць некаторыя нюансы, пра якія расказаў начальнік Галоўнага ўпраўлення прафесійнай адукацыі ведамства Сяргей Пішчоў.

Тыдзень таму кіраўніком дзяржавы перад АПК былі абазначаны канкрэтныя задачы: штогод нарошчваць вытворчасць прадукцыі на 5-6 %, збіраць не менш за 11 мільёнаў тон зерня; сёлета — вырабіць, захаваць і прадаць больш за 9 мільёнаў тон малака і больш чым два мільёны тон мяса, аб’ём экспарту ўтрымаць на пазіцыі 9 мільярдаў долараў. Задачы гэтыя вырашаюцца штодня, але ёсць дні асаблівыя, ад якіх залежыць тая самая канчатковая лічба. Веснавыя палявыя работы — якраз такія.

Сёлетняя анамальна цёплая зіма, а цяпер яшчэ і добрыя замаразкі амаль без снегу — тэма не толькі дзяжурных размоў аб надвор’і. Ці будзем з ураджаем? — вось важнае і для краіны, і, бадай, для кожнага асобна ўзятага яе жыхара пытанне. І калі для асобнай прыватнай гаспадаркі яно не крытычнае, дык у маштабах дзяржавы — гэта адзін з найважнейшых складнікаў харчовай бяспекі і экспартнага патэнцыялу, якія, у сваю чаргу, адны з галоўных умоў захавання суверэнітэту і незалежнасці. Нездарма нават падчас урачыстай цырымоніі ўручэння дыпломаў доктара навук і атэстатаў прафесара, якая прайшла нядаўна ў Палацы Незалежнасці, Прэзідэнт цікавіўся ў вучоных, якія наступствы могуць быць на азімых пасевах у сувязі з неверагодна цёплай зімой. Тыя запэўнілі кіраўніка дзяржавы, што хвалявацца пакуль асаблівых нагод няма.

Правесці веснавую палявую кампанію ў аптымальныя тэхналагічныя тэрміны — цяпер галоўная задача для аграрыяў. У самым паўднёвым і цёплым рэгіёне краіны — на Гомельшчыне, гаварыць аб пасяўной пачалі ўжо ў лютым.

Увечары 31 студзеня на тэлеканале «Беларусь 1» гледачоў чакае прэм’ера трэцяга сезона ўжо любімага многімі музычнага шоу «Фактар.by 60+». А значыць, вакалісты элегантнага ўзросту зноў выйдуць на сцэну, каб у чарговы раз давесці, што сапраўдны талент і мары не маюць тэрміна даўнасці.