Сеткавае выданне zviazda.by

У Савеце Рэспублікі прайшла сустрэча Наталлі Качанавай з выхаванцамі Спецыялізаванага ліцэя МУС. У ходзе адкрытага дыялогу, які доўжыўся больш за дзве гадзіны, спікер расказала пра дзейнасць палаты парламента, закранула моманты патрыятычнага выхавання моладзі, падрабязна і шчыра адказала на шматлікія пытанні, якія паступалі ад навучэнцаў.

Вось ужо восьмы раз беларусы становяцца гледачамі сапраўды ўнікальнага і захапляльнага канцэрта-рэквіема пад сімвалічнай назвай «Кожны трэці». Гэтым разам гасцінныя дзверы Палаца Рэспублікі зноў адкрыліся для мінчан. Яно і не дзіўна, бо, як адзначаюць арганізатары, аднаго канцэрта для двухмільённай сталіцы сапраўды недастаткова. Акрамя таго, сённяшнімі гледачамі канцэрта сталі пераважна прадстаўнікі маладога пакалення. Музыка, дакументальныя кадры і факты з мінулага — усё гэта стала для юных гледачоў не проста пастаноўкай, а асабістым перажываннем і напамінам аб найважнейшых старонках беларускай гісторыі.

Дэпутацкі корпус на чале са Старшынёй Палаты прадстаўнікоў Ігарам Сергяенкам падчас Рэспубліканскага суботніка працаваў на мемарыяльным комплексе «Разгром», размешчаным у самай глыбінцы Смалявіцкага раёна Мінскай вобласці. Там парламентарыі высадзілі 238 дрэў, прыбралі тэрыторыю ад лістоты, ачысцілі плітку ад травы і моху, аддалі даніну памяці вядомай партызанскай брыгадзе. Карэспандэнты «Звязды» далучыліся да важнага мерапрыемства.

11 красавіка 1945 года вязні нацысцкага канцлагера Бухенвальда на чале з інтэрнацыянальным палітычным цэнтрам паднялі ўзброенае паўстанне, у выніку якога захапілі лагер і ўтрымлівалі яго да прыходу саюзных войскаў. Наша краіна памятае страшную трагедыю той жудаснай вайны, і ў гэтую пятніцу тысячы мінчан і гасцей сталіцы прыйшлі ў мемарыяльны комплекс «Трасцянец», каб ускласці кветкі і аддаць даніну памяці тым людзям, якія сталі ахвярамі фашызму.

Пытанні, з якімі людзі прыйшлі на прыём да Старшыні Савета Рэспублікі, — самыя разнастайныя. Сярод іх — парадак налічэння пенсій, пытанні працаўладкавання і атрымання грамадзянства, паляпшэнне жыллёвых умоў і многія іншыя. Усе яны па традыцыі былі падрабязна растлумачаны і ўзяты Наталляй Качанавай на асабісты кантроль.

12 красавіка ўся краіна выйдзе на Рэспубліканскі суботнік. Як правіла, праходзіць ён масава, арганізавана, рэзультатыўна. Людзі працуюць з ахвотай: талака — наша, беларускае слова, а навесці парадак, зрабіць месца, дзе жывеш, прыгажэйшым, можна сказаць, — нацыянальная традыцыя. Таму многія, акрамя ўдзелу ў важным мерапрыемстве рэспубліканскага маштабу, ладзяць, вобразна кажучы, суботнікі па закліку сэрца. Дзякуючы нераўнадушным энтузіястам, збіраюцца самі, працуюць разам, робяць сваю радзіму чыстай і ўтульнай. І так па ўсёй краіне, у чым і пераканаліся нашы карэспандэнты.

Наступнае свята хлебаробаў — абласныя «Дажынкі» на Міншчыне — пройдуць у адным з самых старажытных гарадоў нашай краіны, горадзе-музеі пад адкрытым небам — Заслаўі. І, здавалася б, да восені яшчэ ёсць час, работы па падрыхтоўцы горада да святкавання абласных «Дажынак» набіраюць тэмпы ўжо сёння. Пасля комплекснага добраўпарадкавання перад горадам будуць стаяць адказныя задачы: з размахам правесці фестываль-кірмаш і на сваім прыкладзе паказаць, якой павінна быць сталіца Мінскай вобласці. Для таго, каб пракантраляваць падрыхтоўку да абласных «Дажынак», у аўторак было арганізавана пасяджэнне штаба. Удзел у яго рабоце ўзяў старшыня Мінскага аблвыканкама Аляксей Кушнарэнка. Карэспандэнт «Звязды» далучыўся да адказнай нарады і пастараўся высветліць, чым будзе здзіўляць жыхароў і гасцей горад Заслаўе падчас святкавання галоўнага свята хлебаробаў.

Да выбрання дэпутатам Палаты прадстаўнікоў член Пастаяннай камісіі па дзяржаўным будаўніцтве, мясцовым самакіраванні і рэгламенце Таццяна Лаўрыновіч жыла і працавала ў Лагойску. Пачынала звычайнай настаўніцай, затым — старшынёй Лагойскага сельвыканкама. «Адпаведна, практычна трэць акругі мне ўжо была знаёмая, — прызнаецца яна. — Маю 75-ю Лагойскую выбарчую акругу па колькасці насельніцтва можна падзяліць на тры ўмоўныя часткі: горад Лагойск і шэсць сельвыканкамаў, горад Смалявічы і два сельвыканкамы, а таксама два сельвыканкамы Мінскага раёна, уключаючы буйны населены пункт Калодзішчы. Такая адміністрацыйная раскіданасць тэрыторыі ўносіць свае карэктывы ў працу і робіць яе цікавай і насычанай на падзеі». Чым сёння жыве 75-я Лагойская акруга, дэпутат расказала карэспандэнту «Звязды».

Узаконьванне самавольных пабудоў і самавольна занятых зямельных участкаў — менавіта гэта тэма стала галоўнай на чарговым пасяджэнні Мінскага абласнога Савета дэпутатаў. Гэта сапраўды сур’ёзная тэма, бо за ёй стаіць велізарная работа, пра якую кажуць лічбы. Так, пры правядзенні інвентарызацыі ў 2022 і 2023 гадах па ўсёй краіне выяўлена звыш 284 тысяч фактаў самавольнага заняцця зямель. Прычым большая частка іх — у Мінскай вобласці.

Ужо каторы раз «Звязда» ўздымае надзённую і неадназначную тэму — электрасамакаты... Колькасць здарэнняў з удзелам сродкаў персанальнай мабільнасці працягвае расці ў разы, у тым ліку са смяротнымі зыходамі. У сувязі з гэтым рашэннем Мінскага гарвыканкама былі прыняты пэўныя меры, якія, магчыма, паспрыяюць рэгуляванню сітуацыі. Але ці атрымаецца ўсё ж «утаймаваць» гэтых самакатчыкаў і з якімі абмежаваннямі яны вымушаны цяпер звыкнуцца, абмеркавалі ў Нацыянальным прэс-цэнтры.