Сеткавае выданне zviazda.by

Днямі Аляксандр Лукашэнка падпісаў дакумент, які прынцыпова мяняе структуру ўзаемаадносін паміж наймальнікамі і замежнымі работнікамі. Указ «Аб павышэнні ролі наймальнікаў у галіне знешняй працоўнай міграцыі» ўзмацняе адказнасць наймальнікаў за замежных работнікаў. Вывучэнне ўмоў пражывання, тэставанне на веданне адной з дзяржаўных моў, своечасовае заключэнне працоўнага дагавора, кантроль за дзейнасцю і ўмовамі знаходжання мігрантаў — гэта толькі частка абавязкаў, якія ўскладзены на наймальнікаў, якія запрашаюць замежнікаў на работу. Актуальнасць новага дакумента звязана з тым, што апошнім часам істотна павялічылася колькасць замежнікаў, якія прыбываюць у Беларусь з мэтай працаўладкавацца. Указ грунтуецца на станоўчым вопыце буйных наймальнікаў. 

Прэзідэнт Беларусі Аляксандр Лукашэнка 21 мая падпісаў указ № 202 «Аб павышэнні ролі наймальнікаў у галіне знешняй працоўнай міграцыі», якім прадугледжана адказнасць наймальнікаў за замежных работнікаў. Аб гэтым паведамілі ў прэс-службе кіраўніка дзяржавы.

У Міністэрстве працы і сацыяльнай абароны Беларусі нагадалі, якія дакументы патрэбны для працаўладкавання на летніх канікулах. Гаворка ідзе пра школьнікаў і студэнтаў, якія хочуць падзарабіць.

У Міністэрстве працы і сацыяльнай абароны нагадалі, што працаваць падлеткі могуць у вольны ад вучобы час пачынаючы з 14 гадоў (але ёсць умова: рабіць гэта можна з пісьмовай згоды аднаго з бацькоў). А вось з 16 гадоў такое рашэнне можна прымаць самастойна.

Дзяржава дае ўсе магчымасці для працаўладкавання моладзі з асаблівасцямі псіхафізічнага развіцця (АПФР), адзначыла старшыня Савета Рэспублікі Наталля Качанава на кансультатыўным савеце па пытаннях сацыяльнай адаптацыі і інтэграцыі дзяцей з асаблівасцямі псіхафізічнага развіцця, перадае БелТА.

У Дзяржаўнай установе культуры «Цэнтралізаваная бібліятэчная сетка Шклоўскага раёна» паспяхова рэалізуецца праграма падрыхтоўкі кадраў. І крэатыўных бібліятэкараў становіцца ўсё больш. Адзін з іх — малады спецыяліст Шклоўскай цэнтральнай раённай бібліятэкі Дзмітрый Шведаў.

Філіял кітайскага аўтавытворцы BYD у горадзе Чжэнчжоў, што ў правінцыі Хэнань (Цэнтральны Кітай), плануе прыняць на працу 20 тысяч новых супрацоўнікаў у першым квартале гэтага года, што прыцягне вялікую колькасць сушукальнікаў, перадае «Сіньхуа».

У новай рэдакцыі прынята Інструкцыя аб парадку і ўмовах аказання садзейнічання ў перасяленні беспрацоўных і членаў іх сем'яў у сувязі з пераездам у іншую мясцовасць адпаведнай пастановай Міністэрства працы і сацыяльнай абароны, расказалі ў прэс-службе ведамства.