Сеткавае выданне zviazda.by

Пакуль адны жартуюць пра адлігу зімой, іншыя выпрабоўваюць сябе на смеласць — выходзяць на лёд, які дзе-нідзе ўсё-такі ўтварыўся. Менавіта да такіх жартаўнікоў у сваім акаўнце TіkTok з іроніяй звяртаецца і Міністэрства па надзвычайных сітуацыях, апублікаваўшы відэа пра адзінокага чалавека на льдзіне, вакол якога — вада. Гучыць песня са знакамітага мультфільма. І надпіс з тэкстам: «Не выходзь на лёд, калі ты не маманцяня».

Задачы, якія паставілі прэзідэнты Беларусі і Венесуэлы, будуць выкананы ў поўным аб’ёме. Аб гэтым заявіў намеснік прэм’ер-міністра Віктар Каранкевіч, паведамілі БелТА ў прэс-службе беларускага ўрада.

За 143 кіламетры ад Мінска размясцілася Мядзельшчына — раён, які мы асацыюем з самым вялікім і прыгожым возерам у Беларусі — Нараччу. Яго нярэдка называюць беларускім морам. У пахмурнае восеньскае надвор’е, якім сустрэў горад у дзень прыезду, супрацьлеглага берага возера не было відаць і яго бясконцая водная роўнядзь была сапраўды падобнай на марскую... На берагах Нарачы размешчана вялікая колькасць санаторыяў, папулярных і вядомых не толькі ў нашай краіне, але і за яе межамі. Гэта брэнд, які, безумоўна, праслаўляе Мядзельшчыну і Міншчыну. Але не меншы ўклад у яго добрую славу ўносяць прадпрыемствы і арганізацыі раёна і іх работнікі. Падрабязней пра тое, чым сёння жыве рэгіён, расказаў старшыня Мядзельскага райвыканкама Аляксандр Прановіч.

Не так даўно Прэзідэнт Беларусі Аляксандр Лукашэнка падпісаў Закон «Аб рэспубліканскім бюджэце на 2025 год». А гэта значыць, што з 1 студзеня Беларусь будзе жыць ужо ў адпаведнасці з новым галоўным фінансавым дакументам краіны. Старшыня Пастаяннай камісіі па эканоміцы, бюджэце і фінансах Савета Рэспублікі Уладзіслаў Татарыновіч расказаў «Звяздзе» аб даходнай і расходнай частцы бюджэту.

За вялікі ўклад у патрыятычнае выхаванне і духоўнае асветніцтва прэмія Прэзідэнта «За духоўнае адраджэнне» сёлета прысуджана настаяцелю прыхода храма Узвіжанне Крыжа Гасподняга ў Мінску протаіерэю Алегу Кунцэвічу. Высокай узнагародай адзначаны заслугі свяшчэннаслужыцеля Беларускай Праваслаўнай Царквы ў стварэнні пры прыходзе музея, прысвечанага вязням Шталага 352 і рабоце, якая праводзіцца як у самім музеі, так і ў цэлым у прыходзе. Карэспандэнты «Звязды» наведалі музей і пагутарылі з лаўрэатам пра месца, побач з якім узнік храм, і пра тое, навошта сюды неабходна прыйсці кожнаму.

У нас ёсць пэўны стэрэатып, як трэба сустракаць Новы год: прыбраная ёлачка, багаты стол, шампанскае ў келіхах, радасныя госці... Але ў жыцці не заўсёды атрымліваецца менавіта так. А часам атрымліваецца і зусім не так... Давайце паслухаем, як дзіўна сустракалі Новы год вядомыя дзеячы беларускай культуры...

«...Жыццё недарма // Нам далося на сцежках цярністых // І што лепшае долі на свеце няма, // Як сэрцам адкрытым і чыстым // Блакітныя шчырыя далі абняць...» — пісаў сын Івацэвіцкай зямлі Піліп Пестрак, які прагнуў свабоды, справядлівасці і волі выказаць праўду. Сёння яго творчыя набыткі, выяўленыя ў безлічы твораў, натхняюць сённяшняе пакаленне, абавязкова даючы глебу для разважанняў: а што я магу сказаць пра жыццё, пра свой час? Усвядоміць моц роднага слова, неўміручасць народных традыцый і вагу творчай скарбонкі дапамагае штогадовае свята пісьменства, якое ўзбагаціла Івацэвічы, адзін з найбуйнейшых і гістарычна значных рэгіёнаў Брэсцкай вобласці з больш чым 500-гадовай гісторыяй. Тут знаходзіцца геадэзічны пункт «Дуга Струвэ», канал Агінскага, красуе Косаўскі палац Пуслоўскіх ХІХ ст. А хто не памятае лыжны брэнд «Целяханы»? Суквецце дасягненняў і славутасцяў засведчыла свята.

Аб подзвігах насельніцтва гарадоў і гарадскіх пасёлкаў, узнагароджаных вымпелам «За мужнасць і стойкасць у гады Вялікай Айчыннай вайны».

Для гітлераўскага камандавання Калінкавіцкі вузел чыгуначных і шасэйных дарог меў выключную важнасць, а таму вораг прыняў усе меры для ўмацавання сваіх пазіцый. Аднак доўгачасовыя абарончыя збудаванні, канцэнтрацыя вялікай колькасці танкаў, гармат і мінамётаў не спынілі наступленне савецкіх войскаў. Кровапралітныя баі разгарнуліся на зямлі і ў небе. Нягледзячы на тое, што сітуацыю яшчэ ўскладняла цяжкапраходная балоцістая мясцовасць і няўстойлівае надвор’е, калі моцныя маразы раптоўна змяняліся адлігай, чырвонаармейцы паспяхова справіліся з пастаўленымі задачамі. Толькі за вызваленне Калінкавіцкага і Мазырскага раёнаў савецкія войскі заплацілі вельмі высокую цану — у сотнях брацкіх магіл спачываюць тысячы нашых салдат і афіцэраў.