Сеткавае выданне zviazda.by

Новы год — час чараўніцтва, выканання жаданняў і, вядома, добрых спраў. Гэтае свята любяць усе, але асабліва маленькія беларусы. Дарослыя імкнуцца атуліць увагай дзяцей па ўсёй краіне, бо мы ведаем, што чужых дзяцей не бывае. Доказ таму — дабрачынны марафон «Нашы дзеці», які аб’ядноўвае тысячы сэрцаў. Дарослых ён вучыць адказнасці, а дзяцей — дабрыні і клопату аб тых, хто побач. Шмат гадоў гэты цягнік добрых спраў калясіць па краіне і робіць прыпынкі там, дзе чараўніцтва і падтрымка патрэбныя больш за ўсё. У аўторак, 30 снежня, свята прыйшло да юных пацыентаў РНПЦ дзіцячай анкалогіі, гематалогіі і імуналогіі, што ў Бараўлянах. А ў якасці добрых чараўнікоў гэтым разам выступілі члены Савета Рэспублікі.

«Людзі, якія заўжды падставяць плячо»

Яно адбылося на базе магілёўскага шматпрофільнага цэнтра па рабоце з дзецьмі і моладдзю «Юнацтва». На яго былі запрошаны 30 хлопчыкаў і дзяўчынак, якія з’яўляюцца пацыентамі Магілёўскага дзіцячага хоспіса. Ініцыятарамі выступілі дэпутаты Палаты прадстаўнікоў Нацыянальнага сходу Рэспублікі Беларусь Наталля Тарасенка і Галіна Бяляева. 

Напярэдадні навагодніх святаў у гарадскім пасёлку Бешанковічы адбылася чарговая сустрэча членаў ваенна-патрыятычных клубаў ДУА «Сярэдняя школа N1 г. п. Бешанковічы імя І. І. Строчкі» і «Сярэдняя школа N2 г. п. Бешанковічы імя М. М. Ткачэнкі» з дэпутатам Палаты прадстаўнікоў Нацыянальнага сходу Рэспублікі Беларусь Віктарам Азаронкам і членамі Беларускай асацыяцыі ветэранаў падраздзяленняў спецыяльнага прызначэння войскаў Міністэрства ўнутраных спраў «Гонар».

800 дзяцей сабрала абласное дабрачыннае свята ў рамках акцыі «Нашы дзеці» ў Гродне. Навагоднія песні каля вялікай прыгажуні ялінкі, карагоды і танцы, сустрэча з казачнымі персанажамі і галоўным творцам цудаў — Дзедам Марозам — усё гэта арганізавалі для самых адораных у вучобе, спорце, творчасці, а таксама для дзяцей са шматдзетных сем’яў і не толькі.

У Чэрвеньскім дзіцячым сацыяльным пансіянаце «Ігуменскі» пабывалі работнікі Камітэта дзяржаўнага кантролю. Выхаванцы падрыхтавалі для гасцей святочнае навагодняе прадстаўленне. Яго героямі сталі казачныя персанажы і, вядома, Дзед Мароз са Снягуркай.

Міністр транспарту і камунікацый Аляксей ЛЯХНОВІЧ у рамках дабрачыннай акцыі наведаў Чурлёнскую сярэднюю школу ў аграгарадку Лыцэвічы Вілейскага раёна, над якой ведамства шэфствуе на працягу дзевяці гадоў.

Навагодняе прадстаўленне ў Палацы Рэспублікі стала асаблівым падарункам для фіналістаў конкурсу «Мары спраўджваюцца!», якія прыбылі ў сталіцу з усёй краіны па запрашэнні міністра ўнутраных спраў Івана Кубракова. Пра гэта БелТА паведамілі ў прэс-службе МУС.

Супрацоўнікі Дэпартамента аховы МУС, прадстаўнікі ветэранскай арганізацыі МУС і Беларускай праваслаўнай царквы падчас навагодняй акцыі «Нашы дзеці» наведалі Рэспубліканскі навукова-практычны цэнтр дзіцячай анкалогіі, гематалогіі і імуналогіі. Пра гэта паведамілі БелТА ў Дэпартаменце аховы МУС.

24 снежня ў Палацы культуры адбылося вялікае дабрачыннае свята для дзяцей. Каля абласной навагодняй ёлкі сабраліся дзяўчынкі і хлопчыкі, якія дасягнулі поспехаў у вучобе, спорце, творчасці. Казачныя героі сустракалі іх яшчэ на ўваходзе ў будынак. І сапраўдная атмасфера захапляючай казкі панавала ў палацы. Дзеці прызнаваліся, што Новы год заўсёды для іх чараўніцтва, бо ён прыносіць падарункі, гульні, падарожжы. Юныя ўдзельнікі прымалі віншаванні ад Дзеда Мароза і Снягуркі, перажывалі разам з казачнымі героямі навагодняга прадстаўлення.