Сеткавае выданне zviazda.by

Аграрыі Рэспублікі завяршылі сяўбу яравых культур: яны высаджаны на плошчы звыш 2,3 млн га, што адпавядае 101,1% да плана. Выканана і заданне па сяўбе кукурузы. Пра апошнія навіны цяперашняй пасяўной кампаніі, паведамляе БелТА.

Мінская вобласць лідзіруе ў краіне па тэмпах вясновай пасяўной кампаніі: рэгіён першым выканаў план па сяўбе кукурузы, засеяўшы 274 тысячы гектараў. Пра гэта паведамілі ў прэс-службе Мінаблвыканкама.

Пасеяць, падкарміць, абараніць...

На 5 мая пасеяна 341 тысяча гектараў кукурузы на зерне — 96% да плана. Тэмпы працы вышэйшыя за леташнія. У 2024-м на такую дату было 79 адсоткаў, адказалі ў Міністэрстве сельскай гаспадаркі і харчавання. Аб гэтым паведамілі SB.by. 

Першыя гектары ў ААТ «Хмелева» Жабінкаўскага раёна засеялі аўсом яшчэ 4 сакавіка. Тут зусім лёгкія глебы, а снегу сёлета фактычна не было. Як пацяплела, спяшаліся выйсці ў поле, каб зямля не ссыхала, каб максімальна захапіць прыродную вільгаць. Як высветлілася пазней, за гэту работу хмелеўскія аграрыі ўзяліся першымі не толькі ў вобласці, але і ў краіне.

У Беларусі пасеялі раннія яравыя збожжавыя і зернебабовыя культуры (без кукурузы, грэчкі, проса) на 135,2 тыс. га, што складае 22,3 працэнта да плана, паведамляе БелТА са спасылкай на Міністэрства сельскай гаспадаркі і харчавання.

Як вядома, кіраўнік дзяржавы запатрабаваў да 1 сакавіка паставіць на лінейку гатоўнасці ўсю глебаапрацоўчую тэхніку, якая будзе занятая вясной. І даручыў сваім памочнікам і прадстаўнікам ва ўсіх рэгіёнах самым строгім чынам пракантраляваць сітуацыю на месцах, што і было зроблена. Якая сітуацыя цяпер?

Да пачатку яравой сяўбы засталося не так шмат часу, да таго ж надвор’е можа ўнесці свае непажаданыя карэктывы. Таму аграрыі краіны ўжо актывізуюць работу па ўсіх напрамках, перш за ўсё — па назапашванні мінеральных угнаенняў і рамонце сельскагаспадарчай тэхнікі.