Сеткавае выданне zviazda.by

Аб’ём беларуска-расійскага гандлю па выніках 2026 года можа дасягнуць чарговай рэкорднай адзнакі. Такі прагноз зрабіў пасол Расіі ў Беларусі Барыс Грызлоў у інтэрв’ю часопісу «Нацыянальная абарона», паведамляе БелТА.

У Італіі пратэсты аўтамабільных перавозчыкаў з-за росту цэн на паліва ствараюць перабоі з пастаўкамі прадуктаў харчавання і іншых тавараў. Аб гэтым заявілі ў асацыяцыі прадпрымальнікаў Confcommercio. Паведаміла БелТА.

Як кажуць у арміі ніжнія чыны, генералам часам здаецца, што яны камандуюць. І ў эканоміцы не варта пераацэньваць магчымасці рэгулятараў. Яны могуць уводзіць розныя абмежавальныя або стымуляцыйныя меры, але ў выніку апошняе слова застаецца, кажучы навуковай мовай, за эканамічнымі агентамі. А калі выказвацца прасцей — за грамадзянамі. Менавіта яны прымаюць рашэнне зберагаць ці траціць, купляць цяпер ці потым, набыць імпартны тавар ці айчынны. Псіхалагічны фактар з’яўляецца адным з ключавых. Напрыклад, спажывецкі патрыятызм. Менавіта ўнутраныя адчуванні людзей (не толькі праславутае спалучэнне «цана — якасць») фарміруюць попыт на ўнутраным рынку. Але спажыўца трэба запаліць ідэяй. І не проста выкладваць тавар на паліцы, але і дакладна яго ідэнтыфікаваць як нацыянальны набытак.

У Міністэрстве антыманапольнага рэгулявання і гандлю прайшоў семінар, прысвечаны павышэнню продажаў айчынных санітарна-гігіенічных вырабаў з паперы. У ім удзельнічалі вытворцы, прадстаўнікі гандлёвых сетак і абласных выканкамаў.

У чацвер на базе Гарадзейскага цукровага камбіната адбылося выязное пасяджэнне Прэзідыума Савета Рэспублікі. У цэнтры ўвагі яго ўдзельнікаў — якаснае і здаровае харчаванне. У ходзе пасяджэння адбылася прадметная размова аб тым, як дынамічна пашыраць лінейку натуральных айчынных прадуктаў, развіваць дыетычны кірунак, замяняць імпартныя аналагі і забяспечваць якаснымі таварамі крамныя паліцы і дзіцячыя ўстановы.

Насуперак распаўсюджанаму меркаванню аб карысці канкурэнцыі, яна не заўсёды пазітыўна ўплывае на рынак. Барацьба за пакупніка зніжае цэны, але адначасова зніжае і якасць прадукцыі. Глабальныя рынкі зрабілі многія тавары больш даступнымі ва ўсім свеце, аднак адначасова ўдарылі па іх надзейнасці, даўгавечнасці і рамонтапрыдатнасці. Ды і ў цэлым па тых крытэрыях, па якіх мы вызначаем якасць. Сусветны спажывецкі рынак моцна ўвяз у каляіне поўнай жорсткай эканоміі. Гэта прывяло да татальнай аднаразовасці многіх тавараў: ад шарыкавай ручкі да пральных машын, электронікі і аўтамабіляў. Не пазбег такога лёсу і харчовы сегмент.

Ёсць усе перадумовы для перавышэння аб’ёму тавараабароту Беларусі і Расіі мінулага года. Пра гэта расказаў пасол Беларусі ў Расіі Юрый Селіверстаў, паведамляе БелТА.

Герояў трэба ведаць у твар. Згодзен, штамп. Але ў цэлым канцэпцыя правераная часам: нематэрыяльныя стымулы таксама маюць значэнне. І часам большае, чым выключна камерцыйная выгада. Да таго ж эканоміка становіцца ўсё больш эмацыянальнай, калі спажывец часцей робіць выбар па загадзе сэрца, а не зыходзячы з матэматычных разлікаў. Ёсць у мяне сур'ёзныя падазрэнні, што мы яшчэ не ў поўнай меры выкарыстоўваем псіхалагічныя фактары ў справе дасягнення макраэканамічных мэт. Скажам, па долі рэалізацыі тавараў айчыннай вытворчасці. Ёсць статыстычныя даныя, але адсутнічае персаналізацыя. Хто з буйных, сярэдніх, невялікіх аб'ектаў гандлю самы паспяховы ў рэалізацыі беларускіх тавараў? Як бачыцца, не пашкодзіла б вызначыць пераможцаў. Па-першае, людзям будзе прыемна: іх намаганні заўважаны. Па-другое, для пакупнікоў дадатковая інфармацыя, пад якой шыльдай хаваецца самы шырокі асартымент айчыннай прадукцыі.

У Беларусі пашыраны пералік харчовых тавараў, пры экспарце якіх прадастаўляецца частковая кампенсацыя транспартна-лагістычных расходаў. Адпаведную пастанову падпісаў прэм’ер-міністр Аляксандр Турчын, паведамляе БелТА.