Падчас прэс-канферэнцыі ў Аляксандра Лукашэнкі спыталі пра сітуацыю з затрыманнем у сталіцы грамадзян, якія ўзялі ўдзел у акцыі салідарнасці з забітымі журналістамі французскага часопіса Charlіe Hebdo і гадавіне падзей на ўкраінскім Майдане. Кіраўнік дзяржавы даў даручэнне дэтальна разабрацца ў тым, што здарылася. Дзеянні праваахоўнікаў пракаментаваў Аляксандр ЛАСТОЎСКІ, прэс-сакратар Галоўнага ўпраўлення ўнутраных спраў Мінгарвыканкама:
— 11 студзеня ў 12:15 у Мінску каля Пасольства Францыі сабралася група грамадзян (5 чалавек) для правядзення несанкцыянаванага мерапрыемства ў падтрымку загінулых журналістаў Charlіe Hebdo. Дзяжурны міліцыянер, які нёс службу каля пасольства, звярнуўся да іх з просьбай спыніць несанкцыянаваную акцыю, бо ўгледзеў у іх дзеяннях парушэнне Закона «Аб масавых мерапрыемствах». На жаль, яго просьбу праігнаравалі, а довады так і засталіся непачутымі. Разам з тым гэтыя грамадзяне знаходзіліся каля пасольства яшчэ 15 хвілін, а пасля самастойна разышліся па дамах. Зразумела, іх ніхто не затрымліваў. Праз некалькі дзён, 21 студзеня, гэтым грамадзянам патэлефанавалі, прапанавалі прыйсці для разбору ў Цэнтральны РАУС. 21 і 23 студзеня яны давалі тлумачэнні, а пасля сыходзілі. Матэрыялы аб адміністрацыйным правапарушэнні былі складзены і накіраваны ў суд Цэнтральнага раёна.
22 студзеня каля помніка Тарасу Шаўчэнку каля васьмі гадзін вечара сабралася група з 9 чалавек для правядзення несанкцыянаванага пікета ў падтрымку кіеўскіх падзей на Майдане. Супрацоўнікі міліцыі, якія ведалі аб правядзенні гэтага мерапрыемства, неаднаразова папярэджвалі прысутных аб незаконнасці іх дзеянняў, прасілі спыніць правапарушэнне. Аднак яны на законныя патрабаванні супрацоўнікаў міліцыі не рэагавалі. У сувязі з гэтым у 21:25 іх даставілі ў Цэнтральны РАУС для разбору. Пасля ў дачыненні да 6 чалавек былі складзены пратаколы аб адміністрацыйным правапарушэнні паводле артыкула 23.34 Кодэкса аб адміністрацыйных правапарушэннях Беларусі, а траіх адпусцілі. Усе матэрыялы перададзены ў суд Цэнтральнага раёна для разгляду.
Тарас Шчыры.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?