Сёння ў сталічным “Прайм-холе” падчас урачыстай цырымоніі “Зорны мяч” назвалі імёны лепшых футбалістаў краіны.
Што цікава, паўабаронца БАТЭ Ігар Стасевіч атрымаў перамогу адразу ў трох намінацыях. Яго прызналі не толькі лепшым футбалістам Беларусі, а яшчэ і лепшым паўабаронцам, і гульцом чэмпіянату. Дарэчы, прадстаўнікі барысаўскай дружыны знеслі дадому яшчэ некалькі статуэтак. Аляксандра Ермаковіча, шчыра кажуча, прадказальна прызналі лепшым трэнерам 2015 г. Ён і сапраўды гэтага заслужыў! Сяргея Чэрніка адзначылі сярод галкіпераў, а сербскі абаронца “жоўта-блакітных” Няманья Мілунавіч у сваёй намінацыі стаў першым сярод абаронцаў. Прыз лепшаму нападаючаму з’ехаў у Салігорск разам з Мікалаем Янушам, форвардам тамтэйшага “Шахцёра”. Між іншым, сёлета Мікалай з 15 мячамі стаў лепшым бамбардзірам Вышэйшай лігі. А вось Ягор Філіпенка, які зараз гуляе ў Іспаніі за “Малагу”, атрымаў узнагароду “За футбольны талент і самаахвярнасць у гульні за Беларусь”.
Прыз глядацкіх сімпатый атрымаў БАТЭ, брэсцкіх “дынамаўцаў” узнагародзілі за волю да перамогі, “Слуцк” – за лепшую інтэрнэт-трансляцыю, а самым карэктным клубам Вышэйшай лігі стаў “Віцебск”.
Тарас Шчыры
taras@zviazda.by
Фота Надзеі Бужан
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».