Вы тут

У матэматычных баталіях студэнты БДУ  — "асы"


Студэнты факультэта прыкладной матэматыкі і інфарматыкі Белдзяржуніверсітэта заваявалі тры медалі на 20-й Міжнароднай матэматычнай студэнцкай алімпіядзе, якая завяршылася ў Балгарыі.

Залатым прызёрам стаў трэцякурснік ФПМІ Сяргей Фінскі, а "серабром" узнагароджаны трэцякурснік Уладзіслаў Стажынскі і студэнт чацвёртага курса Арцём Говараў

. Усяго ў алімпіядзе ўзялі ўдзел больш як 300 студэнтаў з 35 краін свету. Беларусь на гэтых прэстыжных матэматычных спаборніцтвах была прадстаўлена толькі камандай БДУ.

Міжнародная алімпіяда па матэматыцы сярод студэнтаў універсітэтаў праводзіцца, пачынаючы з 1994 года. На працягу двух дзён студэнтам трэба было рашыць 10 задач: кожны дзень па пяць задач, на рашэнне якіх адводзілася пяць гадзін. Задачы ахоплівалі матэматычны аналіз, лінейную і абстрактную алгебру, функцыянальны аналіз, аналітычную геаметрыю, камбінаторыку і тэорыю лічбаў. Рабочай мовай спаборніцтваў з'яўляецца англійская.

Выхаванцы БДУ прымаюць удзел у Міжнароднай матэматычнай студэнцкай алімпіядзе з 2001 года. За гэты час на рахунку БДУ ўжо 37 залатых, 30 сярэбраных і пяць бронзавых узнагарод.

Надзея НІКАЛАЕВА

Выбар рэдакцыі

Грамадства

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Дарогі Беларусі ацэняць у зорках. ​Сістэма дапамогі кіроўцу, «штучны зрок» і нулявыя выкіды СО2

Незалежны інстытут аўдытараў дарожнай бяспекі будзе створаны ў Беларусі.

Культура

Прывіды беларускіх муроў. Балі ў разбураным замку

Прывіды беларускіх муроў. Балі ў разбураным замку

Бона Сфорца не была ў Белым Ковелі, але танцуе там у выглядзе прывіду.