Жыхар адной з вёсак Мінскага раёна, 58‑гадовы грамадзянін Грузіі, які меў від на жыхарства ў Беларусі, у змове з неўстаноўленай асобай падрабляў і збываў бланкі пасведчанняў аб рэгістрацыі транспартных сродкаў у Беларусі і зняцці іх з уліку ва ўпраўленні Дзяржаўтаінспекцыі ГУУС Мінгарвыканкама з выкарыстаннем фіктыўнай гербавай пячаткі.
За гэта ён атрымліваў матэрыяльнае ўзнагароджанне ад сваіх кліентаў, як паведаміла старшы пракурор аддзела пракуратуры Мінскай вобласці Таццяна Кучынская.
Падчас следства ўсплыў яшчэ адзін эпізод злачыннай дзейнасці грамадзяніна, звязаны са зверскім забойствам Таццяны Слонімскай. За пэўную грашовую суму ад забойцы мужчына падрабіў дакументы, неабходныя для зняцця з уліку і наступнага продажу аўтамабіля «Мазда‑3». Яўген Кулік бесперашкодна перагнаў машыну ў Маскву, дзе і збыў яе з падробленымі рэгістрацыйнымі нумарамі.
Дзеянні грамадзяніна Грузіі кваліфікаваны па двух артыкулах Крымінальнага кодэкса (падробка і збыт фіктыўных дакументаў, ідэнтыфікаванага нумара транспартнага сродку). Зламысніку пагражае да пяці гадоў пазбаўлення волі. Цяпер абвінавачаны ўзяты пад стражу.
Таццяна ЛАЗОЎСКАЯ.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».