На Брэстчыне сезон вясновых выпальванняў травы нават апярэдзіў каляндарную вясну. Падраздзяленні МНС за апошні тыдзень некалькі разоў выязджалі тушыць ачагі пажараў у ваколіцах Брэста і самім абласным цэнтры.
А ў мінулую нядзелю ў Камянцы больш за паўдня гарэў трыснёг у пойме ракі Лясной. Мясцовасць там мае свае асаблівасці. Рака раздзяляецца на два рукавы і ўтварае востраў. На ім багатая расліннасць, водзіцца шмат жывёл і птушак. А вось тэхніка МНС туды дабрацца не можа. Таму, варта некаму падпаліць, гарыць доўга, над горадам распаўсюджваюцца смурод і чорны дым.
Пажарныя-ратавальнікі штогод просяць грамадзян праяўляць свядомасць, папярэджваюць аб штрафах. Штрафныя санкцыі могуць прымяняць і прыродаахоўныя службы, але злавіць парушальніка за руку цяжка. А свядомасці ў нас часта бракуе. Вось і гарыць сухая расліннасць.
Яна СВЕТАВА.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
