Гэта мусіць сказаць кожны з нас. Сказаць шчыра, пранікліва, адчуўшы непадзельнасць свайго лёсу з гісторыяй роднага краю, з яго стваральным развіццём. Сказаць з гонарам за асабістую далучанасць да беларускай — святой — зямлі, сказаць з годнасцю, што ўсе яе слаўныя традыцыі будуць прадоўжаны, а велічныя справы памножаны намі.
Стваральнікі песні «Беларусь — мая маці» ўшанавалі гістарычны шлях нашай краіны, уславілі яе міраносную місію і магутную сілу славянскага духу. Ігар Лучанок і Анатоль Вялюгін выказалі сваё — мужнае, грамадзянска-патрыятычнае — прызнанне ў вернасці беларускаму народу. Іх творчасць даўно перасягнула межы Беларусі. А іх сумесную песню «Бярозка» выконвалі многія савецкія спевакі, уключалі ў рэпертуар і народныя артысты Расіі. Вакальны твор «Беларусь — мая маці» таксама шчыра гучаў на прасторах былога Саюза. Ансамбль «Сябры» з пяшчотнай урачыстасцю выносяць яго на сцэнічныя падмосткі замежных гарадоў і мястэчак. І заўсёды гэтая лірыка-патрыятычная песня ўспрымаецца як даверлівы расповед пра дзівосны беларускі край — яго гераічную гісторыю і прыроднае хараство.
Верш Анатоля Валюгіна
Музыка Ігара Лучанка
На чырвоным шчыце
Столькі зорыцца
слаўных імён,
Не злічыць абеліскаў
Пад шызымі
крыламі хмар.
Мы з Крывіцкай Пагоні
Чытаем да сённяшніх дзён
Родных ніў і світанняў
Хвалюючы мудры буквар.
Прыпеў:
Беларусь — мая маці
і мова,
Паветра і хлеб!
Гэта зважана сэрцам
На нервах
расстайных дарог.
Гэта — роду прысяга,
Патрэба
штодзённых патрэб
І надзея надзей
У трывозе
адвечных трывог.
На памежжах у нас
Землі
верных суседзяў-братоў.
Абняла ты
Рукамі галін зарунелых
і рэк,
Залатымі вузламі
Карэнне аршанскіх дубоў
Так глыбока
З карэннем смаленскім
сплялося навек.
Прыпеў.
Чысты кужаль на золку
Бяліла ты ў белай расе,
А крывёй тваіх кроўных
Зара на тканіну цякла, —
І ты Сцяг узняла!
Сёння думку галубім усе:
Каб крывінка мая
У чырвонай палосцы
была!
Прыпеў.
Падрыхтаваў Міхась ШАВЫРКІН
Сумесныя праекты ядзерных тэхналогій.