Вы тут

Сакратар Цэнтрвыбаркама: «Мы ў стане прааналізаваць рэкамендацыі АБСЕ»


Учора міжведамасная экспертная рабочая група па разглядзе рэкамендацый Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе (далей — БДІПЧ АБСЕ) па пытаннях удасканалення выбарчага працэсу правяла арганізацыйнае пасяджэнне. Алена Дмухайла, член Цэнтральнай камісіі па выбарах і правядзенні рэспубліканскіх рэферэндумаў, кіраўнік вышэйназванай рабочай групы, адзначыла, што справаздача місіі БДІПЧ АБСЕ дастаткова аб'ёмная.


— Для таго, каб гэта спакойна вывучыць і абдумаць, прапаную час да канца наступнага тыдня, — сказала яна.

Такім чынам, цягам яго ўдзельнікі экспертнай групы вывучаць рэкамендацыі і дашлюць на электронны адрас ЦВК свае прапановы.

Нагадаем, у склад экспертнай групы ўвайшлі прадстаўнікі Савета Рэспублікі і Палаты прадстаўнікоў Нацыянальнага сходу, Нацыянальнага цэнтра заканадаўства і прававых даследаванняў, Міністэрства замежных спраў, Міністэрства інфармацыі, Міністэрства юстыцыі. Наступнае пасяджэнне групы запланавана пасля 4 сакавіка.

Што да саміх рэкамендацый, то, як заўважыў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай ЛАЗАВІК, прапановы БДІПЧ АБСЕ «носяць рознавагавы характар».

— Экспертная група прааналізуе ўсе рэкамендацыі АБСЕ, выдзеліць тыя, якія можна будзе прымяніць на практыцы падчас падрыхтоўкі і правядзення парламенцкіх выбараў — такія прапановы будуць рэалізаваны, — паведаміў ён. — Мы звярнулі ўвагу, што гэтыя прапановы ў першую чаргу накіраваны на павышэнне галоснасці і празрыстасці выбарчага працэса. Мы пастараемся зрабіць усё магчымае, каб гэтыя прапановы былі рэалізаваны ў найкарацейшыя тэрміны. Інакш кажучы, распрацоўваючы праекты рашэнняў Цэнтральнай камісіі, метадычныя рэкамендацыі для выбарчых камісій, мы будзем адразу ж іх улічваць.

Такім чынам, нягледзячы на тое, што самі нормы выбарчага заканадаўства да парламенцкіх выбараў змяніць немагчыма, — на гэта, як паведаміў Мікалай Лазавік, проста не хопіць часу, некаторыя працэдуры сапраўды можна зрабіць больш празрыстымі і дэмакратычнымі.

— Мы стварылі самадастатковую экспертную групу, — заявіў Мікалай Лазавік. — У ёй вельмі граматныя спецыялісты, юрысты самай высокай кваліфікацыі. Мы ў стане прааналізаваць рэкамендацыі АБСЕ і выпрацаваць неабходныя меры па іх рэалізацыі. Калі ж прадстаўнікі БДІПЧ АБСЕ хочуць правесці ўзгодненую працу, мы вітаем гэта. Мы згодны сустрэцца з іх спецыялістамі.

Адказваючы на пытанне журналістаў, як ён ставіцца да адмены санкцый у дачыненні да нашай краіны ў цэлым і членаў ЦВК у прыватнасці, сакратар Цэнтральнай камісіі прызнаўся: вельмі станоўча.

— Увядзенне нейкіх абмежавальных санкцый у адносінах да членаў Цэнтральнай выбарчай камісіі, кіраўнікоў тэрытарыяльных камісій было вялікай памылкай Еўрасаюза, — упэўнены Мікалай Лазавік. — Гэта была «пляма ганьбы», якую яны змылі. Я так кажу, таму што ніякіх юрыдычных падстаў для ўвядзення гэтых санкцый не было. Калі вы памятаеце, па выніках выбараў 2010 года ў выніковай справаздачы АБСЕ нават з'явілася фраза, што галасаванне прайшло добра. І раптам пасля быў арганізаваны штурм Дома ўраду. А вінаватымі аказаліся члены Цэнтрвыбаркама і арганізатары выбараў — на іх былі накладзены санкцыі. Тое, што сёння гэтыя санкцыі адменены, — перамога справядлівасці.

Наконт тэрмінаў парламенцкіх выбараў Мікалай Лазавік сказаў, што пакуль «ніякіх прапаноў па тэрмінах правядзення парламенцкіх выбараў не паступала».

— Значыць, дзейнічае канстытуцыйная норма: мы арыентуемся на дату 11 верасня, — паведаміў ён.

yushkevich@zviazda.by

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».