Вы тут

Лукашэнка адкрыў ХІV Калядны міжнародны турнір аматараў хакея


Адначасова адбылося і ўрачыстае адкрыццё Рэспубліканскіх спаборніцтваў сярод дзяцей і падлеткаў па хакеі «Залатая шайба» на прызы Прэзідэнта Рэспублікі Беларусь. Трыбуны шумелі, свісцелі і гулі: і дзеці, і дарослыя прыйшлі не толькі хварэць, але і проста ўбачыць шоу. Перад гульнёй гледачоў «разагрэлі» спевакі і фігурысты, што выступілі пад беларускамоўныя каверы сусветна вядомых хітоў. І убачыць, і пачуць было што.


Гэта ўжо традыцыя — пачынаць спартыўны год у краіне Калядным хакейным турнірам.

— Яго характэрнымі рысамі з'яўляюцца сур'ёзны спартыўны складнік і дух сапраўднай барацьбы. А самае галоўнае — захаванне найлепшых традыцый і пераемнасць пакаленняў, — адзначыў у вітальным слове Аляксандр Лукашэнка.

Ён звярнуў увагу, што дасягненні айчынных атлетаў на сусветных арэнах грунтуюцца на трывалым падмурку дзіцяча-юнацкага і масавага спорту.

Сапраўдным падарункам для ўсіх стала сумеснае правядзенне Каляднага турніру і рэспубліканскіх спаборніцтваў сярод дзяцей і падлеткаў «Залатая шайба»:

— Для юных аматараў хакея гэта будзе двайное свята. Яны змогуць праявіць тут свае найлепшыя спартыўныя якасці і волю да перамогі, а таксама атрымаць асалоду ад майстэрства вопытных хакеістаў.

Штогод Калядны турнір збірае ў Мінску нашых добрых сяброў. Напрыклад, сёлета паспаборнічаць на лёдзе прыехалі хакеісты з Расіі, Чэхіі, Швейцарыі, Швецыі, Аб'яднаных Арабскіх Эміратаў, шматнацыянальная зборная Балкан.

— Асабліва мы вітаем каманду Кітайскай Народнай Рэспублікі, якая ўпершыню прымае ўдзел у гэтым турніры, — сказаў Прэзідэнт. У гэтай сувязі ён згадаў цікавы факт, пра які ў нас мала хто ведае:

— У свой час, шмат гадоў таму, разам са мной у Эміратах была група хакеістаў. І мы былі першымі, хто заклаў аснову развіцця хакея ў гэтай цалкам спякотнай краіне. Там працавалі нашы хакеісты. Гэтак жа было і ў Кітайскай Народнай Рэспубліцы. Мы згулялі там выставачны матч: каманда Прэзідэнта Рэспублікі Беларусь са зборнай Кітайскай Народнай Рэспублікі. І, можа быць, закінулі тое першае зерне ў КНР па развіцці хакея. І мы вельмі рады за нашых кітайскіх сяброў, што чарговая зімовая Алімпіяда 2022 года адбудзецца ў Кітайскай Народнай Рэспубліцы ў Пекіне.

Матч адкрыцця турніру Швейцарыя—КНР (7:4).

Аляксандр Лукашэнка падкрэсліў, што адносна нядаўна ў нашай сталіцы прайшоў — і паспяхова — чэмпіянат свету па хакеі. А зусім нядаўна Міжнародная федэрацыя хакея на лёдзе прыняла рашэнне зноў правесці ў Беларусі чэмпіянат свету ў 2021 годзе.

— Гэта было б немагчыма без тых хлопцаў і ў добрым сэнсе слова чыноўнікаў, функцыянераў ад спорту, якія прыязджалі да нас сюды на наш міжнародны турнір, — заявіў кіраўнік дзяржавы. — І нам удалося здзейсніць немагчымае: нам зноў на 2021 год аддалі чэмпіянат свету.

Кіраўнік дзяржавы падзякаваў і за тое, што ўжо не першы год каманды турніра ўдзельнічаюць у дабрачыннай акцыі «Калядная традыцыя» для дзяцей, якія маюць асаблівую патрэбу ў клопаце.

***

У Калядным турніры прымаюць удзел восем камандаў, падзеленыя на дзве групы. У фінале «Залатой шайбы» — таксама восем камандаў: па адной ад кожнай з абласцей і дзве — ад Мінска.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Дух сапраўднай барацьбы.

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.