Вы тут

Роўмінг ад МТС — па новых тарыфах


Пра значнае зніжэнне з 1 красавіка кошту роўмінгу на тэрыторыі Еўразійскага эканамічнага саюза паведаміла кампанія МТС. Змяненні закрануць усе віды сувязі: уваходныя званкі, зыходныя выклікі ў Беларусь і ў іншыя дзяржавы, SMS-паведамленні, а таксама мабільны інтэрнэт. Па некаторых кірунках паслугі мабільнай сувязі патаннеюць на 84%.


Напрыклад, зыходныя званкі з Расіі, Арменіі і Кыргызстана ў Беларусь для абанентаў МТС, якія знаходзяцца ў сетках аператараў МТС Расія, АрменТэл і Sky Mobіle, патаннеюць на 20%. На столькі ж знізіцца кошт зыходных званкоў у іншыя краіны з Казахстана, Арменіі і Кыргызстана ў выпадку рэгістрацыі ў сетках Кар-Тэл, АрменТэл і Sky Mobіle. Для абанентаў МТС цана на зыходныя SMS з казахскай сеткі Кар-Тэл і кіргізскай Sky Mobіle будзе таксама зніжана на 20%. А за мабільны інтэрнэт кліенты беларускага аператара, якія знаходзяцца ў сетках Sky Mobіle (Кыргызстан) і АрменТэл (Арменія), будуць плаціць менш на 84% і 78% адпаведна.

У кампаніі МТС канстатуюць, што краіны ЕАЭС — самыя запатрабаваныя напрамкі сярод абанентаў МТС. На гэтыя чатыры дзяржавы ў роўмінгу прыпадае амаль 70% зыходных выклікаў, а таксама каля 50% усіх уваходных выклікаў і інтэрнэт-трафіка.

Таксама аператар МТС праінфармаваў аб увядзенні штохвіліннай тарыфікацыі галасавога трафіка з 1 красавіка 2016 года.

Пачынаючы з гэтай даты, на ўсіх тарыфных планах кампаніі галасавы трафік па Беларусі будзе тарыфікавацца штохвілінна: як выклікі ўнутры сеткі МТС (у тым ліку на «любімыя нумары» і ўнутры закрытай групы карыстальнікаў), так і званкі ў іншыя сеткі краіны. Змяненні таксама закрануць паслугі, якія прадугледжваюць пасекундную тарыфікацыю.

nіkalaeva@zvіazda.by

Выбар рэдакцыі

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.

Грамадства

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Збiраемся ў школу. У жнiўнi адна з галоўных задач мам i татаў — «экiпiроўка» дзяцей да 1 верасня

Першае i галоўнае правiла — яшчэ дома вызначыцеся з тым, што вам трэба. 

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.