Каманда ў складзе Ксеніі Чалдышкінай, Ганны Дудзянковай, Марыі Кадобінай, Марыі Кацяк, Валерыі Пішчэлінай і Арыны Цыцылінай выйгралі залаты медаль кантынентальнага форуму ў ізраільскім Халоне ў асобных групавых практыкаваннях з пяццю стужкамі. Беларускі атрымалі ад суддзяў за сваю кампазіцыю — 18,516 бала. Другое месца ў гэтай дысцыпліне занялі гімнасткі Ізраіля — 18,400. Бронзавыя медалі ў скарбонцы зборнай Іспаніі — 18,133 бала.
У турніры юніёраў беларускі па выніках выступленняў у асобных відах тройчы ўздымаліся на п'едэстал гонару. Сярэбраныя ўзнагароды выйгралі Юлія Еўчык у практыкаванні са скакалкай, Аліна Гарноська, якая выканала кампазіцыю з абручом. Трэцяе месца ў практыкаванні з булавамі ў Юліі Ісачанкі.
Усяго ж на рахунку зборнай Беларусі па мастацкай гімнастыцы 6 узнагарод. Раней каманда ў групавых практыкаваннях стала сярэбраным прызёрам у мнагабор'і.
Без узнагароды 32-га еўрафоруму засталася лідар зборнай Меліціна Станюта, якая завяршыла барацьбу ў індывідуальным мнагабор'і на чацвёртым месцы.
Сумесныя праекты ядзерных тэхналогій.