Вы тут

У Лаўрышаўскiм манастыры знойдзены 2 невядомыя раней саркафагi


У Свята-Елiсееўскiм Лаўрышаўскiм мужчынскiм манастыры падчас археалагiчных даследаванняў знойдзены два невядомыя раней саркафагi.

Мяркуецца, што ў iх былi пахаваны асобы, якiя маюць высокае значэнне для манастыра i якія маглi пакiнуць след у гiсторыi краiны. Цяпер праводзiцца экспертыза з мэтай атрымання больш дакладных звестак.


Археалагiчныя раскопкi гэтага сезона завяршылiся ў кляштары на мiнулым тыднi. Лаўрышаўская археалагiчная экспедыцыя па просьбе iгумена манастыра Яўсевiя праводзiла, у прыватнасцi, расчыстку падземнага збудавання ў кляштарным Свята-Успенскiм храме ў вёсцы Лаўрышава, што ў Шчорсаўскiм сельсавеце. Працу ўзначальваў памочнiк кiраўнiка экспедыцыi гiсторык Тэльман Маслюкоў.

Па словах членаў археалагiчнай экспедыцыi, у падвальным памяшканнi былi знойдзеныя два цагляныя саркафагi, у якiх знаходзiлiся касцяныя астанкi людзей i культавыя прадметы. Расчышчаны таксама спуск у крыпту, якi вёў непасрэдна з памяшкання храма. Вызначана, што крыпта была засыпана ў сярэдзiне XIX стагоддзя, верагодна, пры закрыццi манастыра ў 1836 годзе.

Зараз праводзiцца вывучэнне атрыманых пры раскопках матэрыялаў у аддзеле антрапалогii Iнстытута гiсторыi Нацыянальнай акадэмii навук i цэнтральнай лабараторыi дзяржаўнага ўнiтарнага прадпрыемства «Навукова-вытворчы цэнтр па геалогii».

Храм у Лаўрышаве быў пабудаваны ў 1768 годзе, але, як мяркуюць даследчыкi, пахаваннi могуць адносiцца i да больш ранняга часу.

Лаўрышаўскi манастыр заснавалi ў сярэдзiне ХIII стагоддзя Войшалк, сын Мiндоўга (вялiкi князь Вялiкага Княства Лiтоўскага ў 1264-1267 гадах) i прападобны iгумен Елiсей. Манастыр быў звязаны з вялiкакняжацкiм домам ВКЛ i на працягу некалькiх стагоддзяў з'яўляўся адным з найважнейшых духоўных цэнтраў Беларусi. Дзейнасць манастыра была адноўлена ў 2007 годзе.

Археалагiчныя даследаваннi ў Лаўрышаве вядуцца шосты год пад кiраўнiцтвам прафесара гiсторыi Сяргея Расадзiна з блаславення мiтрапалiта Паўла, Патрыяршага экзарха ўсяе Беларусi. У праваслаўным археалагiчным лагеры, якi быў арганiзаваны падчас экспедыцыi, удзельнiчалi валанцёры-студэнты i навучэнцы з розных абласцей краiны.

Анатоль СЛАНЕЎСКI

slaneuski@zviazda.by

Навагрудскi раён

Загаловак у газеце: Таямнiцы манастырскай крыпты

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.