Няўдалай аказалася спроба імпарцёра знізіць мытныя плацяжы больш чым на 14 тысяч беларускіх рублёў.
Грузавы аўтамабіль «Рэно» накіроўваўся з Літвы на мытную тэрыторыю ЕАЭС праз пункт пропуску «Беняконі» Гродзенскай рэгіянальнай мытні з таварам «камплектуючыя сістэмы кандыцыянавання паветра» і «шпалеры». Супрацоўнікі аддзела па барацьбе з кантрабандай і адміністрацыйнымі мытнымі правапарушэннямі праверылі і аказалася, што кошт больш чым 1 тысячы рулонаў шпалер занізілі ў дакументах у 2,5 раза.
— У выніку замест зніжэння мытных плацяжоў шпалеры коштам больш за 59 тысяч рублёў сталі прадметам адміністрацыйнага правапарушэння, і іх далейшы лёс вырашыць суд, — паведаміла прэс-сакратар Гродзенскай рэгіянальнай мытні Юлія РАМАНЮК.
Барыс ПРАКОПЧЫК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?