Вы тут

Лагістычны цэнтр "Белпошты" запрацаваў у Нацыянальным аэрапорце


З сярэдзiны мiнулага года ў Нацыянальным аэрапорце ўжо дзейнiчала ўстанова мiжнароднага паштовага абмену. Аднак магчымасцi новага цэнтра значна шырэйшыя: толькi агульная плошча павялiчылася амаль у 5 разоў. Акрамя таго, новы будынак аснашчаны перадавымi тэхналогiямi, некаторыя з якiх у гэтай сферы прымяняюцца ўпершыню.


Намеснiк прэм'ер-мiнiстра Анатоль Калiнiн выказаў задавальненне высокiм узроўнем работы «Белпошты», якi адпавядае эканамiчным патрэбам дзяржавы, а таксама запытам грамадзян. Вiцэ-прэм'ер расказаў, што на тэрыторыi Нацыянальнага аэрапорта ў хуткiм часе з'явiцца два новыя аб'екты: яшчэ адна ўзлётна-пасадачная паласа i авiярамонтны завод. А мiнiстр сувязi i iнфарматызацыi Сяргей Папкоў адзначыў перспектывы пашырэння сеткi лагiстычных цэнтраў па ўсёй краiне.

Лагiстычны цэнтр — прыклад узаемадзеяння прадпрыемства «Белпошта» i Мытнага камiтэта. Калi супрацоўнiкi паштовай службы займаюцца сартаваннем пасылак, то мытнiкi, пры неабходнасцi, — праверкай iх змесцiва. Старшыня Дзяржаўнага мытнага камiтэта Юрый Сянько падкрэслiў, што двум ведамствам i да гэтага даводзiлася працаваць разам, аднак цяпер гэты працэс удасканалены. У цэлым, менавiта па прынцыпе аптымiзацыi ўсiх дзеянняў уладкавана работа новага лагiстычнага цэнтра. Усе паштовыя адпраўленнi, якiя паступаюць у нашу краiну па паветры, будуць апрацоўвацца тут: раней iх прыходзiлася адвозiць у сталiцу, што iстотна запавольвала працэс дастаўкi атрымальнiку.

Як расказала першы намеснiк генеральнага дырэктара РУП «Белпошта» Алена СКРЫПЧЫК, у 2014 годзе, калi адбыўся бум iнтэрнэт-пакупак з замежных сайтаў, апрацоўка пасылак займала часам больш за тыдзень. З увядзеннем новага цэнтра ўдасца гэтыя тэрмiны скарацiць да 1—2 дзён. Работа ва ўстанове вядзецца ў фармаце 24/7 без перапынкаў i выхадных. Пры неабходнасцi цэнтр можа апрацоўваць каля 100 тысяч паштовых адпраўленняў у суткi. Цяпер жа гэта каля 10 тысяч пасылак у дзень супраць 5 тысяч, якiя былi ў пачатку года.

Работа цэнтра арганiзавана наступным чынам. Паштовыя адпраўленнi трапляюць у зону прыёма, дзе ўсталяваны спецыяльныя газаiдэнтыфiкатары, якiя дазваляюць у вялiкiм аб'ёме пасылак выявiць прысутнасць забароненых рэчываў. Калi першы этап прайшоў без нечаканасцяў, пасылкi накiроўваюцца да аператараў. Яны правяраюць захаванасць i адпаведнасць суправаджальнай iнфармацыi нормам запаўнення. Паколькi прадпрыемства «Белпошта» ўваходзiць у Сусветны паштовы саюз, у яго ёсць доступ да агульнай базы даных. Як толькi аператар счытвае iндывiдуальны код з пасылкi, аб месцы яе знаходжання можа даведацца як служба-адпраўнiк, так i атрымальнiк. Пасля ўводу ўсiх даных, калi да адпраўлення няма нiякiх заўваг, справа пераходзiць у рукi мытнi. Асаблiвасцю новага цэнтра з'яўляецца наяўнасць спецыяльных стужак, па якiх скрынкi з апрацаванымi пасылкамi перамяшчаюцца аўтаматычна.

Па словах начальнiка мытнi «Мiнск-2» Андрэя МIХАЛЬКЕВIЧА, 1% пасылак выклiкае падазрэнне. Спачатку адпраўленне скануецца пры дапамозе iнтраскапii — праглядаецца на прасвет — i толькi ў крайнiм выпадку ўскрываецца. У рабоце цэнтра задзейнiчаны не толькi найноўшыя тэхналогii, але нават эксперыментальныя распрацоўкi. Так, ужываецца прылада, якая праводзiць аналiз спектра практычна любога рэчыва: у базе даных iх больш за 10 тысяч. Напрыклад, да прыстасавання можна паднесцi таблетку, якая запячатана ва ўпакоўцы, i менш чым за хвiлiну яно вызначыць, што гэта за лекi. Асаблiва гэта тэхналогiя актуальная для пошуку забароненых рэчываў. Толькi ў 2016 годзе было прадухiлена 5 спроб увозу наркатычных i псiхатропных рэчываў. Акрамя гэтага, незаконным чынам адпраўляюць па поште старадаўнiя манеты, гiстарычныя дакументы, зброю i нават жывёл. Усяго за 9 месяцаў гэтага года падчас праверкi пасылак было выяўлена больш за сто злачынстваў.

Усяго па паветры прыходзiць каля 30% мiжнародных паштовых адпраўленняў, з якiх каля 60% — тавары з замежных сайтаў. З-за змены правiлаў падаткаабкладання тавараў коштам больш 22 долараў штогадовыя паступленнi ў дзяржаўную казну павялiчылiся на 1,5 мiльёна дэнамiнаваных рублёў.

Дар'я КАСКО

kasko@zviazda.by

Фота Надзеі БУЖАН

Загаловак у газеце: Вам пасылка!

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».