У мiнулую суботу намеснiк старшынi Савета Рэспублiкi Нацыянальнага сходу Беларусi Марыяна ШЧОТКIНА правяла «прамую тэлефонную лiнiю» на тэму «Правапрымяняльная практыка законаў Рэспублiкi Беларусь у сацыяльна-працоўнай сферы».
Як паведамляе прэс-служба Савета Рэспублiкi, гэта першае мерапрыемства такога фармату ў верхняй палаце беларускага парламента.
На працягу дзвюх гадзiн намеснiк старшынi адказвала на пытаннi, якiя хвалююць грамадзян. На «прамую тэлефонную лiнiю» звярнулiся дзевяць чалавек з розных рэгiёнаў краiны. Было зададзена 27 пытанняў.
Узнятыя праблемы тычылiся практыкi прымянення законаў Рэспублiкi Беларусь у сацыяльна-працоўнай сферы, у прыватнасцi грамадзян цiкавiла рэалiзацыя Закона Рэспублiкi Беларусь «Аб альтэрнатыўнай службе». Таксама ўносiлiся прапановы па ўдасканаленнi асобных нарматыўных прававых актаў, якiя рэгулююць дзейнасць у галiне рэканструкцыi i будаўнiцтва жылля, падаткаабкладання, аплаты працы работнiкаў сацыяльнай сферы, фармiравання тарыфаў на паслугi для насельнiцтва, латарэйную дзейнасць.
Марыяна Шчоткiна дала тлумачэннi i рэкамендацыi па ўсiх закранутых грамадзянамi пытаннях, рашэнне асобных з iх узяла на кантроль.
Веранiка ПУСТАВIТ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.