Вы тут

Фінішаваў конкурс “Маладыя таленты Беларусі”


Больш за тры месяцы маладыя адораныя музыкі і выканаўцы з усёй краіны спаборнічалі на творчым конкурсе, арганізаваным Белтэлерадыёкампаніяй.   З-за вялікай колькасці заявак (якіх было пададзена ажно 295!) праслухоўванне адбывалася некалькі дзён. А пяцьдзясят найлепшых творцаў адбірала прафесійнае журы на чале з народным артыстам Беларусі Эдуардам Зарыцкім.


- Рэспубліканскі творчы конкурс "Маладыя таленты Беларусі" праходзіў сёлета ў шосты раз, - гаворыць галоўны дырэктар Галоўнай дырэкцыі Першага нацыянальнага канала Беларускага радыё Антон Васюкевіч. – Ён быў вельмі яскравым, прадстаўнічым. Адметна, што ўзровень удзельнікаў, якія прадстаўляюць музычныя школы з усёй Беларусі, мала таго што высокі, дык яшчэ і падымае год ад году планку. А нашы канкурсанты маюць магчымасць заявіць пра сябе і падзяліцца сваімі талентамі з шырокай слухацкай аўдыторыяй. Тым больш што пераможцы спаборніцтваў атрымліваюць права ратацыі сваіх твораў у нацыянальным радыёэфіры. А слухачы могуць падчас усяго эфірнага года пазнаёміцца з дасягненнямі маладых музыкаў і спевакоў. 

Як зазначыла аўтар праекта, загадчык аддзела музычных праграм Першага нацыянальнага канала радыё Таццяна Сямёнава, конкурс праходзіў у трох намінацыях: “Спадчына”, “Інструментальная музыка”, “Эстрадны вакал”.

Патрыцыі Свіцінай толькі 15 гадоў. Але для дзяўчыны гэты конкурс стаў ужо трэцім у жыцці. Два ранейшыя яна скончыла на пазіцыі лаўрэата другой ступені. Сёлета ж яна выйграла Гран-пры. І нават не верыцца спачатку, што такая ціхая, на першы погляд, дзяўчына валодае вельмі прыгожым і гучным голасам. Аднак усе ваганні прападаюць, калі слухаеш яе спеў.

- Я рыхтавалася да конкурсу ўсё лета, - гаворыць Патрыцыя. - Люблю фальклор, вывучаю народныя спевы. І песню таму выбрала народную – “Ой, даліна шырокая!”. Яна расказвае пра прыроду, пра любоў да яе.

Сярод тых, хто выйграў сёлета Гран-пры “Маладых талентаў Беларусі”, ёсць і вядомы юны піяніст Уладзіслаў Хандогі. Два гады таму ён узяў “золата” на XV Міжнародным тэлеконкурсе юных музыкаў “Шчаўкунок”, што праходзіў у Маскве. Заслужана перамог і на айчынным радыёконкурсе – у намінацыі “Інструментальная музыка”. Але, як прызнаецца Улад, Гран-пры дасталося яму не так лёгка  з-за вялікай канкурэнцыі.

У  намінацыі “Эстрадны вакал” Гран-пры ўдастоена Зінаіда Купрыяновіч з Мінска.

Азнаёміцца з поўным спісам пераможцаў можна на сайце Белтэлерадыёкампаніі www.tvr.by

Валяр’ян ШКЛЕННІК

Фота аўтара.

Выбар рэдакцыі

Спорт

«Людзі думаюць, што ўсёмагутныя і — разбіваюцца»

«Людзі думаюць, што ўсёмагутныя і — разбіваюцца»

Ці так небяспечны парашутны спорт, як здаецца на першы погляд?

Грамадства

Дзе знаходзяць падтрымку бацькі асаблівых малых?

Дзе знаходзяць падтрымку бацькі асаблівых малых?

Стаялі ў калідоры і ўспаміналі першыя крокі ў выхаванні сваіх асаблівых дзетак.

Культура

«Калі чалавецтва зноў паставіць перад сабой высокія пытанні, яно мяне ўспомніць»

«Калі чалавецтва зноў паставіць перад сабой высокія пытанні, яно мяне ўспомніць»

Пагутарылі з дачкой вядомага ўраджэнца Віцебска Лазара Хідэкеля.