Вы тут

Паравоз 1921 года выпуску паставілі на службу прадпрыемству


Вы бачылі калі-небудзь, каб з дапамогай звычайнага паравоза, які стаў рарытэтам, ацяплялі вытворчыя памяшканні? А вось на прыватным прадпрыемстве групы кампаній сумеснага таварыства з абмежаванай адказнасцю «Капыльская вытворчасць будаўнічых сістэм» паравоз 1921 года выпуску паставілі на службу прадпрыемству.


У 2010 годзе кампанія выкупіла на аўкцыёне стратны завод драўляных вырабаў. Памяшканні практычна былі ў паўразбураным стане. Новы ўласнік навёў парадак, адбудаваў вытворчыя пляцоўкі, стварыў 80 новых рабочых месцаў. А паравоз, які стаяў тут, так бы мовіць, на сямі вятрах, вырашылі аднавіць.

— І цяпер наш паравоз стаіць на запасным пуці, — жартуе ўпраўляючы Мікалай Барысаў. — Паравоз мы выкарыстоўваем, калі нам патрэбна адначасова вялікая колькасць пары. Лакаматыў захоўваем у рабочым стане, раз у год цалкам разбіраем, ліквідуем няспраўнасці. І пасля праверкі прамнагляду атрымліваем дазвол на эксплуатацыю.

Кацёл працуе на мясцовых відах паліва. Тэхналогія простая: рабочыя закідваюць у топку торф. Пры высокай тэмпературы выпрацоўваецца пара, якая праз спецыяльны накапляльнік паступае на вытворчую пляцоўку і для абагрэву памяшканняў.

Таццяна ЛАЗОЎСКАЯ

lazovskaya@zviazda.by

Загаловак у газеце: Паравоз на запасным пуці

Выбар рэдакцыі

Грамадства

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Жыхар Жодзіна Генадзь Пузанкевіч даехаў на веласіпедзе з Беларусі да Уладзівастока

Ён кожны дзень імкнуўся пераадольваць не менш за сто кіламетраў.

Грамадства

Як «Звязда» парушальнікаў адпачынку з міліцыяй шукала

Як «Звязда» парушальнікаў адпачынку з міліцыяй шукала

Апошнімі цёплымі дзянькамі многія мінчане стараюцца скарыстацца напоўніцу і па магчымасці адпачыць на прыродзе, хай сабе і ў межах горада.

Культура

Спявак Аляксандр Гелах: Як толькі паступіў, пачаў шукаць работу

Спявак Аляксандр Гелах: Як толькі паступіў, пачаў шукаць работу

Малады тэнар, які прыйшоў у Нацыянальны акадэмічны Вялікі тэатр Беларусі ў 2015-м, звярнуў на сябе ўвагу аматараў оперы адразу.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Танцуй... Пакуль не замужам?