Пра гэта сёння на пасяджэнні камітэта па палітычных пытаннях Парламенцкай асамблеі Савета Еўропы ў Страсбургу заявіў старшыня Пастаяннай камісіі па правах чалавека, нацыянальных адносінах і сродках масавай інфармацыі Андрэй Навумовіч.
"У канцы гэтага года - пачатку наступнага па пытанні смяротнага пакарання ў Палаце прадстаўнікоў могуць адбыцца парламенцкія слуханні", - адзначыў Андрэй Навумовіч.
У гутарцы з журналістамі ён падкрэсліў, што для разгляду пытання смяротнага пакарання, дастаткова адчувальнага для Беларусі, патрэбен прадуманы, узважаны падыход. На слуханні плануецца запрасіць усіх зацікаўленых.
Таксама Андрэй Навумовіч дадаў, што вывучэнне пытання аб мэтазгоднасці адмены смяротнага пакарання працягваецца. Пры гэтым улічваюцца як сучасныя сусветныя тэндэнцыі, так і вынікі рэферэндуму 1996 года, на якім большасць грамадзян прагаласавала за захаванне гэтага віду пакарання.
У снежні 2016 года ў парламенце новага склікання створана рабочая група па праблематыцы смяротнай кары, якую ўзначаліў Андрэй Навумовіч. "Парламенцкая група працягне працу па гэтым пытанні, абапіраючыся на напрацоўкі папярэдняга складу аналагічнай групы", - рэзюмаваў дэпутат.
Сумесныя праекты ядзерных тэхналогій.
