Адкрыты чэмпіянат БДУІР — самыя буйныя спаборніцтвы па спартыўным праграміраванні, якія праводзяцца ў Беларусі. BSUIR OPEN праходзіць ужо ў сёмы раз, і даўно набыў статус міжнароднага: сёлета для ўдзелу ў ім зарэгістравалася 353 каманды з 10 краін — Беларусі, Расіі, Украіны, Польшчы, Узбекістана, Індыі, Карэі і іншых. У фінале за першынство будуць змагаюцца больш як 50 каманд, якія паказалі лепшыя вынікі ў чвэрць- і паўфінале.
Па ўмовах конкурсу, удзельнічаюць у чэмпіянаце могуць не толькі студэнты і магістранты, але і каманды школьнікаў. У гэтым годзе іх 64, у тым ліку з Расіі і Украіны. Школьныя каманды, нягледзячы на юны ўзрост іх удзельнікаў, прадстаўляюць вельмі сур’ёзную канкурэнцыю: большасць хлопцаў і дзяўчат, якія выступаюць у іх складзе, з’яўляюцца дыпламантамі заключнага этапу рэспубліканскай алімпіяды па інфарматыцы.
“Чэмпіянат па праграміраванні — галоўная інтэлектуальная падзея вясны. Яго адметнасць ва ўнікальнай атмасферы, якую стварае камандная праца, сумесны пошук ідэй і рашэнняў, — падкрэслівае арганізатар BSUIR OPEN 2017, намеснік дэкана ФКСіС БДУІР Ева КУКАР. — І нам прыемна канстатаваць, што ў гэтым годзе значна пашырылася “геаграфія” ўдзельнікаў спаборніцтваў. Да чэмпіянату далучыліся новыя ВНУ і прадстаўнікі новых краін”.
Адкрыты чэмпіянат БДУІР па праграміраванні праводзіцца па правілах ACM-алімпіяды. У фінале спаборніцтваў удзельнікам прапануецца для рашэння ад 8 да 12 задач, на якія адводзіцца 5 гадзін. Усе задачы сфармуляваныя на англійскай мове.
Надзея НІКАЛАЕВА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?