Штотыдзень у эфіры тэлеканала «Беларусь 3» гульня «Размаўляем па-беларуску». Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
аздо́біць — надаць прыгожы выгляд, упрыгожыць. Напрыклад, аздобіць сукенку бантам;
забрыме́ць (сл. адметнай лексікі Я. Коласа) — пачаць зіхацець, пералівацца. У прыклад сказ Я. Коласа: «На Свіслачы забрымела медзь — чырвань неба ў ёй умывалася»;
хату́ль (размоўнае) — вялікі клунак рэчаў, звязаных у хустку;
кулідка (абласное) — выпечаны хлеб круглай формы. Кулідка — гэта тая самая невялікая буханка;
банду́рка — струнны шчыпковы музычны інcтpумeнт. Трэба дадаць, што бандурка — гэта адзін з найбольш старажытных інcтpумeнтaў, які сваёй формаю нагадваў лук;
язык праглынуць — перастаць гаварыць, замаўчаць. Беларускія сінонімы: замок на рот павесіць, прыкусіць язык. Рускі адпаведнік: проглотить язык;
плячо к плячу — 1) зусім побач, адзін каля аднаго; 2) разам, вельмі дружна (жыць, працаваць). Беларусы яшчэ скажуць: рука ў руку, плячо да пляча. Рускія: рука к руке.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
