Аляксандр Лукашэнка ўчора сустрэўся таксама з Віктарам Шэйманам, кіраўніком справаў Прэзідэнта.
Віктар Шэйман курыруе ўзаемадзеянне з Афрыканскім кантынентам. Прэзідэнт пацікавіўся ў яго, як ідзе развіццё адносін з рэгіёнам — у прыватнасці ў плане асваення новых рынкаў і паглыблення ўзаемадзеяння з нашымі партнёрамі там.
Аляксандр Лукашэнка канстатаваў, што нашай дзяржаве не хопіць магчымасцяў развіваць супрацоўніцтва адразу з усім кантынентам, таму неабходна вызначыць краіны, якія ў будучыні змогуць стаць нашымі надзейнымі партнёрамі.
З Віктарам Шэйманам Аляксандр Лукашэнка абмеркаваў і свае ранейшыя даручэнні па Аршанскім раёне. Кіраўнік дзяржавы пацікавіўся станам спраў там. Ён нагадаў, што Аршаншчына павінна стаць узорам развіцця раённых цэнтраў у Беларусі.
Надзея ЮШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
