Вы тут

Аляксандр Лукашэнка прыняў з дакладам міністра па падатках і зборах


Учора кіраўнік дзяржавы правёў рабочую сустрэчу з міністрам па падатках і зборах Сяргеем Налівайкам. Яе тэма — два праекты ўказаў Прэзідэнта: «Аб рэгуляванні дзейнасці фізічных асоб» і «Аб падатковым кансультаванні».


Праект першага дакумента пашырае пералік відаў эканамічнай дзейнасці, якімі грамадзяне маюць права займацца без рэгістрацыі ў якасці індывідуальнага прадпрымальніка. Умова — уплата адзінага падатку. У пералік уваходзяць такія віды дзейнасці, як продаж самастойна прыгатаваных кулінарных вырабаў, прадастаўленне месцаў для кароткатэрміновага пражывання фізічных асоб, выкананне па заказах спажыўцоў работ па рамонце мэблі, гадзіннікаў, абутку, пашыве адзення, распілоўцы дроў, пагрузцы грузаў і іншае. Пры гэтым пералік будзе пашырацца.

Другі дакумент — «Аб падатковым кансультаванні» — выклікаў пытанні ў кіраўніка краіны:

— Хацелася б, каб вы асаблівую ўвагу звярнулі на экспертызу карупцыйнасці гэтага закона. Што мяне насцярожвае: у нас ёсць падатковая інспекцыя, якая так ці інакш нешта падказвае, кансультуе, калі некаму незразумела... Каб мы не легалізавалі платную дзейнасць вашых падначаленых: яны будуць браць грошы, а пасля забудуць, што яны — людзі дзяржаўныя. Трэба на дзяржаву працаваць, а яны пойдуць за грошы кансультаваць, а яшчэ і прасоўваць некага. І мы гэтым самым легалізуем жульніцкую дзейнасць.

У тэму:

Сяргей Налівайка, міністр па падатках і зборах, расказаў пасля сустрэчы з кіраўніком дзяржавы, што абодва праекты дакументаў падтрыманы. Што да праекта ўказа, прысвечанага падатковаму кансультаванню, то міністр заявіў:

— Прадугледжана, што на першапачатковым этапе метадалагічнае суправаджэнне падатковых кансультантаў будзе сапраўды здзяйсняць Міністэрства па падатках і зборах. У перспектыве гэта функцыя пяройдзе да палаты падатковых кансультантаў. Стаць падатковым кансультантам зможа не абавязкова эканаміст. Гэта можа быць і юрыст, і дзеючы бухгалтар, адвакат, таму мы не кажам пра тое, што будзе ўведзена новая спецыяльнасць у ВНУ.

Надзея ЮШКЕВІЧ

yushkevich@zviazda.by

Загаловак у газеце: Паслабленні для бізнесу і падатковыя кансультанты

Дадаць каментар

Выбар рэдакцыі

Культура

Хто ёсць хто на дзіцячым «Еўрабачанні»

Хто ёсць хто на дзіцячым «Еўрабачанні»

Ужо ў гэту нядзелю вырашыцца інтрыга

Грамадства

Вучоба можа быць у радасць, калі размаўляць з вучнем на адной мове

Вучоба можа быць у радасць, калі размаўляць з вучнем на адной мове

Уявіце сабе сітуацыю: вучань зрабіў у дыктоўцы 20 памылак... 

Эканоміка

Горадабудаўнічы пашпарт распрацуюць з улікам магчымых аб'ектаў будаўніцтва

Горадабудаўнічы пашпарт распрацуюць з улікам магчымых аб'ектаў будаўніцтва

Пра гэта гаворыцца ў новай рэдакцыі палажэння аб парадку падрыхтоўкі і выдачы дазвольнай дакументацыі на будаўніцтва аб'ектаў, зацверджанаг