21 студзеня, нядзеля

Вы тут

Раім схадзіць


Бэбі-канцэрт, выстава «Літоўскі прэс-фотаздымак», кірмаш аўтарскіх падарункаў і «Літары і словы Скарыны» – афіша «Звязды» з 2 па 8 кастрычніка.


Канцэрт «Музыка твайго сэрца»

Фота: onecolleen.com

Дзе: КЗ «Верхні горад» (пл. Свабоды, 23а)

Калі: 5 кастрычніка, 15:30

Колькі каштуе: ад 20 р.

5 кастрычніка ў канцэртнай зале «Верхні горад» у рамках Міжнароднага фестываля Юрыя Башмета адбудзецца ўнікальны бэбі-канцэрт. Ён прызначаны для маці і дзяцей з самага нараджэння, а таксама для жанчын на позніх тэрмінах цяжарнасці.

Вядома, што, пачынаючы з 32-га тыдня, дзіця ва ўлонні маці здольна запамінаць музыку і пазнаваць яе пасля з'яўлення на свет.


Выстава «Літоўскі прэс-фотаздымак»

Фота: all-news.net

Дзе: Музей гісторыі беларускага кіно (вул. Свярдлова, 4)

Калі: па 15 кастрычніка, аўт.-нядз.: 10:00-19:00

Колькі каштуе: 2 р. – дзеці, 2,50 р. – студэнты, 3 р. – дарослыя

На выставе прадстаўлены лепшыя працы 15-га конкурсу прэс-фота Літвы - выключны гадавы агляд найбольш значных падзей сучаснага жыцця краіны вачыма прафесійных літоўскіх фатографаў.


Кірмаш аўтарскіх падарункаў Sarafan

Фота: relax.by

Дзе: ГЗЦ «АрэнаСіці» (пр-т Пераможцаў, 84)

Калі: 7-8 кастрычніка, 10:00-22:00

Колькі каштуе: бясплатна

Вас чакаюць модныя ўпрыгажэнні і аксэсуары, мыла ручной працы, арыгінальныя сувеніры, стыльныя інтэр'ерныя рэчы, дзіцячыя цацкі, прысмакі і многае іншае ад майстроў сваёй справы.


Выстава «Літары і словы Скарыны»

Дзе: Нацыянальная бібліятэка Беларусі (пр-т Незалежнасці, 116)

Калі: па 20 лістапада

Колькі каштуе: удакладняць у касе

Выстава «Літары і словы Скарыны», прымеркаваная да 500-годдзя беларускага кнігадрукавання, знаёміць з каліграфіяй Усевалада Свентахоўскага − беларускага мастака, які працуе ў кніжнай графіцы і графічным дызайне. Частка прадстаўленых работ – гэта «летэрынг» − від мастацтва, у якім малюнкі створаны на аснове літар і сплецены ў агульную гарманічную кампазіцыю. Прыцягваюць увагу і аўтарскія распрацоўкі шрыфтоў з выяўленчымі элементамі – фантастычнымі вобразамі і расліннымі матывамі. 

Асобае месца на выстаўцы займаюць шрыфтавыя работы, зробленыя з дапамогай лічбавага друку − серыя аркушаў паводле матываў шрыфтоў Францыска Скарыны. Цытаты першадрукара напісаны стылізавана «пад Скарыну» − у аўтарскім прачытанні Свентахоўскага. Росчыркі напаўсухога пяра ствараюць уражанне водгукаў голасу нашага вялікага суайчынніка, голасу, які губляецца ў глыбіні часу. 


Выстава «Моднае стагоддзе»

Фота: zviazda.by

Дзе: Нацыянальны гістарычны музей (вул. К. Маркса, 12)

Калі: па 10 студзеня 2018 г., 11:00-19:00

Колькі каштуе: 8 р., школьнікі - 6 р., дзеці да 6 гадоў і ветэраны ВАВ − бясплатна

На выставе прадстаўлены гістарычныя касцюмы з найбуйнейшай у свеце прыватнай калекцыі Аляксандра Васільева − вядомага гісторыка моды, мастацтвазнаўцы, калекцыянера, тэатральнага мастака, аўтара кніг і артыкулаў па дадзенай тэматыцы, тэлевядучага праграмы «Модны прысуд».

Экспазіцыя адзення і аксесуараў, якая ахоплівае перыяд канца 19-га і ўсё 20-е стагоддзе, складаецца з больш за 100 неверагодных касцюмаў і некалькіх соцень розных аксесуараў, ювелірных вырабаў і майстэрскай біжутэрыі.

Дадаць каментар

Выбар рэдакцыі

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.