Вы тут

Кіраўнік дзяржавы сустрэўся з паслом Грузіі ў Беларусі


За апошнія гады нашы адносіны з гэтай краінай істотна палепшыліся, таваразварот паказвае станоўчыя тэндэнцыі, ды і ў гуманітарных сферах мы збліжаемся. Прынамсі, гэтым летам для нашых суайчыннікаў Грузія была адным з самых жаданых курортаў. Падставай для ўчарашняга дыялогу Прэзідэнта Беларусі Аляксандра Лукашэнкі і Надзвычайнага і Паўнамоцнага Пасла Грузіі ў Рэспубліцы Беларусь Давіда Катарыі стала завяршэнне дыпламатычнай місіі апошняга. Але абмяркоўваліся не толькі дасягненні, але і перспектывы супрацоўніцтва.


— Асноўная актыўнасць нашых адносін з Грузіяй за 25 гадоў незалежнага супрацоўніцтва прыйшлася менавіта на перыяд, калі вы сталі паслом у Беларусі, — звярнуў увагу Прэзідэнт.

Увогуле ж для супрацоўніцтва дзвюх краін — вельмі добрыя перспектывы, упэўнены беларускі лідар. Ён адзначыў, што ўдзячны грузінскаму калегу за запрашэнне наведаць Грузію:

— Мы дамовіліся, каб візіт быў яркі і карысны, нам трэба напоўніць яго канкрэтным зместам. Каб пасля сустрэч — прэзідэнтаў, урадаў — у нас была дынаміка ў канкрэтыцы. Каб народы Грузіі, Беларусі не сказалі, што мы цырыманіяльна сустракаемся. Хоць я з вялікім нецярпеннем чакаю сваёй чарговай паездкі ў Тбілісі, у Грузію.

Кіраўнік дзяржавы прызнаўся, што ў Грузіі яму асабліва цікава будзе паглядзець горы, прыроду. Ён выказаў меркаванне, што недзе ў першай палове наступнага года візіт здзейсніцца.

— Вас папрашу далёка не адыходзіць, бо вы ў тэме, — дадаў Аляксандр Лукашэнка, звяртаючыся да дыпламата. — Вы зможаце і нам, і грузінскаму боку аказаць сур'ёзную падтрымку падчас гэтага візіту.

За апошнія гады таваразварот павялічыўся ў разы, а гэта фундамент добрых адносін паміж любымі краінамі. Раней Беларусь і Грузія практычна не мелі таваразвароту... У мінулым годзе ён склаў больш за 73 мільёны долараў (гэта 163% да ўзроўню 2015-га), а ўжо сёлета за студзень — верасень мы нагандлявалі больш чым на 72 мільёны долараў. Тэндэнцыя станоўчая. Ды і дасягненняў нямала.

— Пачынаючы ад пасадкі бульбы ў Прэзідэнта Грузіі, майго сябра, — прывёў прыклад Аляксандр Лукашэнка.

Нагадаем, прыкладна месяц таму кіраўнік Грузіі ў сваім акаўнце ў Фэйсбуку выклаў фота ўраджаю бульбы, якая вырасла на яго падворку з беларускага насення, — падоранага, дарэчы, Аляксандрам Лукашэнкам.

У тэму

Давід Катарыя, Надзвычайны і Паўнамоцны Пасол Грузіі ў Беларусі:

— На працягу апошніх гадоў грузінска-беларускія адносіны дынамічна развіваюцца на ўсіх узроўнях. Візіт беларускага лідара ў Грузію даў магутны штуршок для развіцця палітычных, гандлёва-эканамічных, культурных сфер. Днямі, дарэчы, пачнуцца Дні культуры Беларусі ў Грузіі. Перспектыўнымі сферамі для развіцця адносін бачацца такія, як сельская гаспадарка, прамысловасць, будаўніцтва, тэхналогіі — у тым ліку ІТ, будаўніцтва інфраструктуры, турызм.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Дынамікаў канкрэтыцы

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.