26 Верасень, серада

Вы тут

Як рыхтаваліся беларускія спартсмены да старту біятлоннага сезону


Заключны трэніровачны этап біятланісты правялі ў нарвежскім Шушэне, адкуль асноўная каманда пераехала ў Эстэрсунд, таму што ўжо ў нядзелю, 26 лістапада, у Швецыі стартуе Кубак свету па біятлоне сезона 2017/2018. Пачнецца ён са змяшанай эстафеты і супермікста. Трэнеры зборнай уключылі ў склад наступных спартсменаў: Дар'я Домрачава, Надзея Скардзіна, Ірына Крыўко, Дар'я Юркевіч, Надзея Пісарава, Крысціна Ільчанка, Уладзімір Чапелін, Сяргей Бачарнікаў, Раман Ялётнаў і Максім Варабей.


Незадоўга да старту мы вырашылі ўспомніць, як спартсмены праводзілі міжсезонне і падрыхтоўчы перыяд.

Па сацыяльных сетках лідара зборнай, трохразовай алімпійскай чэмпіёнкі Дар'і Домрачавай складваецца ўражанне, што ў спартсменкі зусім не было адпачынку. Літаральна адно фота з сям'ёй і Дар'я разам з мужам, адным з самых тытулаваных біятланістаў Уле-Эйнарам Б'ёрндаленам, ужо зноў трэніруюцца.

У маі Дар'я адправілася ў горы, каб там правесці шэраг велатрэніровак, іх яна чаргавала з нагрузкамі ў трэнажорнай зале.

У швейцарскіх Альпах спартсменка была не адна, кампанію ёй склаў муж і дачка.

Ненадоўга Дар'я паспела зазірнуць у Мінск, акрамя сустрэчы з роднымі і сябрамі, Домрачава правяла трэніроўку з камандай Dream team, якая ў той час якраз рыхтавалася да Мінскага паўмарафону.

Зіма ў жыцці спартсменкі з'явілася значна раней, чым у асноўнай часткі беларусаў - у жніўні сям'я біятланістаў прыступіла да трэніровак на снезе.

"Хтосьці падумае, што гэта НЛА пакінула такі адбітак, але мы ведаем, - гэта наша лыжная траса", - напісала Домрачава.

Перыядычна Дар'я песціла сваіх падпісчыкаў проста прыгожымі краявідамі. "Выдатны від ва ўзнагароду за добра праведзеную трэніроўку", - напісала яна пад адной са сваіх фатаграфій.

Калі Дар'я Домрачава рыхтавалася да сезону па індывідуальным плане, то Надзея Скардзіна правяла значна больш часу з камандай. Ужо ў маі дзяўчаты ўзяліся за падрыхтоўку да Алімпійскага сезона. Спачатку яны селі ў лодкі...

... а потым на ровары.

А Надзея яшчэ паспела пагуляць у пляжны валейбол і наведаць родны Санкт-Пецярбург.

У кастрычніку і лістападзе дзяўчаты правялі шэраг збораў у Фінляндыі, Надзея пасля цяжкіх трэніровак з асаблівым задавальненнем назірала за выдатнымі заходамі сонца.

Надзея Пісарава эксперыментавала, адкрывала ў сабе кулінарныя здольнасці і захаплялася дэльфінамі.

Прадстаўнікі мужчынскай зборнай маюць куды менш актыўныя сацыяльныя сеткі. Сяргей Бачарнікаў, напрыклад, за гэты перыяд паспеў зрабіць сэлфі з Б'ёрндаленам, а Раман Ялётнаў "зачыкініцца" ў Сочы.

Дар'я ЛАБАЖЭВІЧ

Выкарыстаны фота з сацыяльных сетак спартсменаў.

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.