Вы тут

Velcom стала тэлекам-кампаніяй


З пераходам на адзіны брэнд ён стане найбуйнейшым у Беларусі аператарам фіксаванага інтэрнэту.


 У яго ўвойдуць карыстальнікі раней набытых правайдэраў "Атлант Тэлекам", гомельскага "Гаранта", а таксама абаненты "Хатняя сетка". Velcom не назавеш больш сотавым аператарам — цяпер гэта тэлекам-кампанія, якая аб'ядноўвае мабільны і фіксаваны інтэрнэт. Аб'яднанне завершыцца ў першай палове снежня — абанентам будуць прапанаваныя новыя тарыфы для хатняга інтэрнэту і Смарт-тэлевізары з падпіскай на ТБ-сэрвіс voka ў растэрміноўку.

“Цяпер кампанія плануе яшчэ больш актыўна развіваць сетку за кошт будаўніцтва інфраструктуры і куплі дзеючых гульцоў», — сказаў Антон Бладзік, намеснік генеральнага дырэктара velcom па пытаннях фіксаванай сувязі і інтэграцыі. Ужо цяпер для абанентаў абодвух аператараў дзейнічае кантакт-цэнтр з аб'яднаным нумарам 150. Неўзабаве ў velcom плануюць аб'яднанне білінгавых сістэм, гэта дазволіць інтэграваць мабільныя і фіксаваныя прадукты.

У першы тыдзень снежня velcom запусціць лінейку тарыфаў “Хатні”, якая прыйдзе на змену дзеючым тарыфам для прыватных абанентаў фіксаванай сеткі. Карыстальнікам, у прыватнасці, стане даступны “безліміт” з хуткасцю да 100 Мбіт/сек. Новыя тарыфы будуць даступныя абанентам ў Мінску, Гомелі і гомельскім рэгіёне, Віцебску, Бабруйску, Магілёве — усюды, дзе пракладзена “оптыка” velcom. Абновіцца таксама лінейка тарыфаў для карпаратыўных кліентаў. Хуткасць на тарыфах для бізнесу будзе пачынацца з 12 Мбіт/сек, а максімальная хуткасць дасягне 150 Мбіт/сек.

Таксама ў планах — значна пашырыць фіксаваную сетку на тэрыторыі прысутнасці і прыйсці ў новыя гарады, у тым ліку ў Брэст, Полацк, Наваполацк і Жлобін. Так, у наступным годзе кампанія плануе правесці высакахуткасную сетку ў 180 тысяч кватэр.

Сяргей КУРКАЧ

kurkасh@zvіаzdа.bу

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.