Ні рыба ні мяса... ні закраса

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».

Ці ведалі вы, што:

мачу́лішча — месца, дзе мочаць лён ці каноплі;
каме́ль — ніжняя частка дрэва, якая прылягае да кораня;
пабла́жлівы — нястрогі, велікадушны;
дасці́пны — трапны, знаходлівы;
вартасць — каштоўнасць, цана;
закра́са — прыправа ў ежу;
рот ніколі не закрываецца — пра таго, хто любіць шмат і доўга гаварыць (беларускія сінонімы: язык без касцей, язык па-за вушамі ходзіць; рускі адпаведнік: слабый на язык, рот не закрывается);
ні рыба ні мяса — пра пасрэднага чалавека, які нічым не вызначаецца (беларусы яшчэ скажуць: ні тое, ні сёе, не бог ведае які, ні два ні паўтара; рускія: так себе, с серединки на половинку).