23 Верасень, нядзеля

Вы тут

Выйдзе нумар «Бярозкі» на кітайскай мове


У Міністэрстве інфармацыі Рэспублікі Беларусь прайшло пасяджэнне Каардыянацыйнай групы па рэалізацыі "Праекта перакладу і публікацыі класічных літаратурных твораў Кітая і Беларусі".


Удзел у размове прынялі міністр інфармацыі Рэспублікі Беларусь Аляксандр Карлюкевіч, дырэктар выдавецтва "Мастацкая літаратура" Алесь Бадак, намеснік дырэктара Выдавецкага дома "Звязда" – галоўны рэдактар часопіса "Нёман" Аляксей Чарота, галоўны рэдактар часопіса "Вясёлка" Уладзімір Ліпскі, галоўны рэдактар часопіса "Бярозка" Кацярына Захарэвіч, супрацоўнікі мінінфарма – начальнік ўпраўлення выдавецкай і паліграфічнай дзейнасці Алена Паўлава, кансультант інфармацыйна-аналітычнага ўпраўлення Андрэй Чэрнікаў.

Алесь Бадак праінфармаваў прысутных, што ў самы бліжэйшы час павінна пабачыць беларускамоўнае выданне "Энцыклапедыі Кітая", над якім "Мастацкая літаратура" працавала сумесна з кітайскімі кнігавыдаўцамі. Толькі што выйшаў з друку том перакладаў "Пялёскі лотаса і хрызантэмы: Сто паэтаў Кітая XX стагоддзя". Перакладчык – Мікола Мятліцкі. Мастак выдання – Каміль Камал. Унікальнае выданне з’яўляецца працягам анталогіі перакладаў кітайскай паэзіі "Пад крыламі Дракона: Сто паэтаў Кітая", якая пабачыла свет у Выдавецкім доме "Звязда" яшчэ ў 2012 годзе. У сувязі з гэтым ішло абмеркаванне пытання шырокай прэзентацыі анталогіі "Пялёскі лотаса і хрызантэмы…" на Пекінскім кніжным кірмашы-выстаўцы ў жніўні 2018 года і ўвогуле ў іншых фарматах прадстаўніцтва беларускай кнігі – у Вільнюсе, Варшаве, Белградзе, Маскве.

Размова на пасяджэнні ішла і пра падрыхтоўку "кітайскіх нумароў" часопісаў "Вясёлка" і "Бярозка". У гэтай рабоце актыўнае спрыянне беларускім мас-медыя аказвае Рэспубліканскі Інстытут кітаязнаўства імя Канфуцыя Беларускага дзяржаўнага універсітэта. Раней выходзілі "кітайскія нумары" часопісаў "Нёман" і "Маладосць". На старонках гэтых выданняў з’яўляюцца новыя пераклады як класічных, так і сучасных твораў кітайскай прозы, паэзіі.

Алесь КАРЛЮКЕВІЧ

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.