Вы тут

Цікавы быў корань


...Хто пра што, а я пра сваю любімую школу, пра дзяцей.


Такім чынам — урок беларускай мовы. Тэма яго — корань слова. Перш-наперш тлумачу матэрыял, дзеці запісваюць прыклады, потым самастойна, як і патрабуе тэма ўрока, вызначаюць карані...

Некалькі слоў я загадзя напісала на дошцы. Адкрываю іх, кажу:

— Карані знойдзе... Андрэй. Калі ласка!

Хлопчык устае з месца, але кіруе чамусьці не да дошкі, а да дзвярэй:

— Я мігам, — кажа, — бабе Валі дровы прывезлі.

«Пры чым тут, думаю, баба?.. Пры чым тут дровы?»

— Вярніся, — прашу хлопчыка, але тога і след прастыў.

Мы працягваем урок — шукаем карані слоў, як раптам дзверы адчыняюцца і ў іх з'яўляецца... Спачатку — корч — ладны, сапраўдны... А следам за ім — Андрэй.

— Во, — кажа, — корань. Я сам знайшоў!

...І, між іншым, досыць цікавы! Потым мы скарысталі яго для розных дробных вырабаў.

А вось «корань слова» давялося шукаць з Андрэем пасля ўрокаў.

Сафія Атрохава, в. Селішча, Слуцкі раён

Выбар рэдакцыі

Грамадства

Псіхолаг расказвае, як знайсці агульную мову з падлеткам

Псіхолаг расказвае, як знайсці агульную мову з падлеткам

Пераходны ўзрост не толькі выпрабоўвае на трываласць самога падлетка і яго бацькоў...

Грамадства

Час, адукацыя і заробак — тры праблемы шматдзетных маці. Як пераадольваць?

Час, адукацыя і заробак — тры праблемы шматдзетных маці. Як пераадольваць?

Памеры дзіцячых выплат бываюць нават большыя за заробак.

Грамадства

Як трэба бяспечна паводзіць сябе на лёдзе?

Як трэба бяспечна паводзіць сябе на лёдзе?

З першага зімовага лёду сёлета дадому не вярнуліся тры чалавекі.