24 Верасень, панядзелак

Вы тут

Што зменіцца ў Беларусі 1 мая


Павялічыцца бюджэт пражытачнага мінімуму

У Беларусі ўстаноўлены месячны бюджэт пражытачнага мінімуму ў сярэднім на душу насельніцтва на перыяд з 1 мая па 31 ліпеня 2018 года ў памеры Br206,58.

Новы бюджэт пражытачнага мінімуму для працаздольнага насельніцтва складае Br229,78, пенсіянераў - Br157,5, студэнтаў - Br199,75, дзяцей ва ўзросце да 3 гадоў - Br132,98, дзяцей ва ўзросце ад 3 да 6 гадоў - Br183,35, дзяцей ва ўзросце ад 6 да 18 гадоў - Br223,91.


Зменяцца ўмовы выдачы крэдытаў насельніцтву

У Беларусі змяняюцца правілы выдачы крэдытаў. З 1 мая банкі будуць па-новаму разлічваць крэдытаздольнасць кліентаў. Нацбанк растлумачыў некаторыя нюансы інструкцыі аб парадку прадастаўлення грашовых сродкаў у форме крэдыту і іх вяртання.


Вырастуць мінімальныя пенсіі, надбаўкі, павышэнні і даплаты да іх

У сувязі са змяненнем бюджэту пражытачнага мінімуму будуць праведзены пераразлікі мінімальных працоўных пенсій, надбавак і павышэнняў да іх, даплат пенсіянерам ва ўзросце старэйшым за 75 гадоў. Так, напрыклад, працоўныя пенсіі з мая павялічацца ў сярэднім на 5,4%.


Падаражэюць некаторыя маркі цыгарэт

Фота sputnik.fm.

Падаражанне закране прадукцыі ААТ "Гродзенская тытунёвая фабрыка "Нёман ". Цыгарэты ТАА "Тытунь-інвест" Winston XSlims Green Impulse будуць прадавацца па Br2,75. Кампанія "Беларусьгандаль" з 1 мая павышае на 5 капеек кошт цыгарэт Kent Mode Blue і Kent Mode Silver, яны будуць каштаваць Br2,7.


МТС павысіць кошт паслуг сувязі

"МТС інфармуе сваіх абанентаў аб павышэнні тарыфаў на асноўныя паслугі сотавай сувязі на 3 працэнты да ўзроўню бягучых тарыфаў з 1 мая 2018 года. Змяненне абумоўлена развіццём інфраструктуры, укараненнем новых тэхналагічных рашэнняў і развіццём лічбавых прадуктаў, неабходных для павышэння якасці аказваемых паслуг", - гаворыцца ў паведамленні.


Упершыню ўстанаўліваецца тарыф для зарадкі электрамабіляў

Гэты тарыф складае Br0,15693 (без ПДВ) за 1 кВт/гадз, што ніжэй за агульны тарыф для арганізацый, якія працуюць у сферы паслуг, на 48 працэнтаў.


Павысяцца экспартныя пошліны на нафту і нафтапрадукты

Беларусь з 1 мая 2018 года павышае экспартныя пошліны на нафту і нафтапрадукты, якія вывозяцца за межы мытнай тэрыторыі Еўразійскага эканамічнага саюза (ЕАЭС). Адпаведнае рашэнне змяшчаецца ў пастанове Савета Міністраў Рэспублікі Беларусь ад 25 красавiка 2018 года № 325.

Стаўка экспартнай пошліны на сырую нафту будзе павышана са $111,4 да $118,5 за 1 т. Пошліна на прамагонны бензін павысіцца з $61,2 да $65,1 за 1 т, на таварныя бензіны - з $33,4 да $35,5 за 1 т.


Пенсіянеры атрымаюць 50% зніжкі на праезд у цягніках рэгіянальных ліній

Кожны год у перыяд сезонных сельскагаспадарчых работ з 1 мая па 30 верасня грамадзяне, якія дасягнулі агульнаўстаноўленага пенсіённага ўзросту, маюць права на зніжку 50% ад кошту праезду ў цягніках рэгіянальных ліній эканом класа. Гэта прадугледжана Указам Прэзідэнта Рэспублікі Беларусь ад 29.04.2011 № 176 "Аб дзяржаўнай падтрымцы пенсіянераў", нагадалі ў прэс-службе Беларускай чыгункі.

Дадаць каментар

Выбар рэдакцыі

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.

Грамадства

Маштабныя вучэнні прайшлі ў краіне

Маштабныя вучэнні прайшлі ў краіне

Актыўная фаза камандна-штабнога вучэння Узброеных Сіл прайшла ў Беларусі ў верасні.