Вы тут

Раім схадзіць


Выстава «Мастак і горад» у цэнтры Мінска, спектакль «Радзіва «Прудок», фестывалі «Букідс» і «Панскі базар» — афіша «Звязды» з 21 па 27 мая.


Выстава «Мастак і горад»

Дзе: плошча Якуба Коласа (г. Мінск)

Калі: па 8 верасня 

Колькі каштуе: бясплатна

17 мая на плошчы Якуба Коласа ў Мінску адбылося святочнае адкрыццё выставачнага праекта «Мастак і горад». Гэта ўжо сёмая экспазіцыя, і прысвечана яна сюррэалістычным галаваломкам беларускага жывапісца Георгія Скрыпнічэнкі.

Георгій Скрыпнічэнка — яркі прадстаўнік айчыннага сюррэалізму, жывапісец, графік, эксперыментатар. Больш за дзесяць гадоў ён быў членам грамадскага мастацкага аб'яднання «Беларуская акадэмія выяўленчага мастацтва». У 2005 годзе Кембрыджскі ўніверсітэт абвясціў мастака «Чалавекам года».


Спектакль «Радзіва «Прудок»

Дзе: тэатр імя Янкі Купалы (вул. Энгельса, 7)

Калі: 25 мая, 19:00

Колькі каштуе: удакладняць у касе

«Радзіва «Прудок» расказвае пра мінскага журналіста і дворніка Купалаўскага тэатра Андруся Горвата, які вырашыў з'ехаць у вёску аднаўляць дом свайго дзеда і прамяняў мітусню вялікага горада на радасці вясковага жыцця і блізкасць да ўласных каранёў. Свае ўражанні ён спачатку размяшчаў на асабістай старонцы ў Facebook, а потым гэтыя запісы сталі кнігай.

З 16 мая кніга пераўтварылася ў спектакль.


Фестываль «Панскі базар»

Дзе: парк «Дрымлэнд» (вул. Арлоўская, 80)

Калі: 26-27 мая, 12:00

Колькі каштуе: 6 р.

Кожны ўдзельнік «Панскага базару» зможа акунуцца ў атмасферу нацыянальнага свята ежы, прыняць удзел у займальных майстар-класах, сплесці лапці з лазы і нават знайсці іголку ў стозе сена!

Вялікі фудкорт з разнастайным меню ад лепшых кафэ і рэстаранаў горада, старыя традыцыі і мноства забаў чакаюць гасцей у гэты дзень.

Акрамя таго, вялікая сцэна «Панскага базару» збярэ лепшых выканаўцаў славянскай і этнічнай музыкі.


Сямейны фестываль «Букідс»

Дзе: Палац мастацтваў (вул. Казлова, 3)

Калі: 27 мая, 10:00

Колькі каштуе: 15 р. — дарослыя, дзеці — бясплатна 

У гэты дзень наведвальнікаў фестывалю чакаюць спектаклі, музыка, гульні і смачная ежа!

Дзеці змогуць павесяліцца ў гіганцкай пясочніцы, стаць акцёрамі, ствараючы тэатральныя сюжэты.

На працягу дня госці паспрабуюць сябе ў ролі эксперыментатараў, фларыстаў, мастакоў, і архітэктараў: разнастайныя майстар-класы будуць ісці бесперапынна. Для малых будуць арганізаваны пляцоўкі і гульнявая, а таксама пакой для адпачынку.

Каб наведвальнікам было камфортна правесці дзень на фестывалі, будуць працаваць фермерскі фудкорт і кавярня.


Назіранне за нябеснымі аб'ектамі

Дзе: планетарый (вул. Фрунзэ, 2)

Калі: па 31 мая, 21:30

Колькі каштуе: бясплатна

Абсерваторыя мінскага планетарыя прапануе ўсім жадаючым бясплатна палюбавацца ў тэлескоп на найбольш цікавыя нябесныя аб'екты: Сонца, Месяц, планеты Сонечнай сістэмы, зоркі, галактыкі.

Назіранні залежаць ад умоў надвор'я. Перад наведваннем планетарыя абавязкова зверце графік з сайтам.

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.