Вы тут

Уладзімір Макей правёў перагаворы ў Бруселі


Міністр замежных спраў Беларусі Уладзімір Макей правёў перагаворы ў Бруселі. Кіраўнік знешнепалітычнага ведамства Беларусі сустрэўся з бельгійскім калегам і з прадстаўнікамі структур Еўрасаюза ў рамках двухбаковага візіту ў адказ па запрашэнні намесніка прэм'ер-міністра — міністра замежных і еўрапейскіх спраў Бельгіі Дзідзье Рэйндэрса.


Уладзімір Макей растлумачыў журналістам АНТ, што Брусель лічыцца еўрапейскай сталіцай і тут важна сустракацца з прадстаўнікамі асноўных еўрапейскіх структур, якія маюць тут штаб-кватэры. Але на гэты раз асноўныя перагаворы — з бельгійскім калегам. Чакаецца, што сустрэча са спадаром Рэйндэрсам надасць новы імпульс двухбаковым гандлёва-эканамічным адносінам, паслужыць больш шырокаму выхаду для Беларусі на еўрапейскі рынак, а для Бельгіі — на еўразійскі. Тавараабарот з гэтай краінай складае $370 млн, пры гэтым амаль палова — экспарт. Але патэнцыял выкарыстаны не ўвесь.

Напярэдадні беларускі міністр абмеркаваў бягучы стан дыялогу Беларусі з Еўрапейскім саюзам і яго перспектывы з высокім прадстаўніком па замежных справах і палітыцы бяспекі Еўрапейскага саюза, віцэ-прэзідэнтам Еўрапейскай камісіі Федэрыка Магерыні.

Вольга МЯДЗВЕДЗЕВА

Загаловак у газеце: Рынкі і дыялог

Выбар рэдакцыі

Грамадства

Актрыса Вераніка Пляшкевіч: Захавальнік сямейнай казны — мой муж

Актрыса Вераніка Пляшкевіч: Захавальнік сямейнай казны — мой муж

У сям'і вядомых акцёраў Веранікі Пляшкевіч і Андрэя Сенькіна бытавыя клопаты размеркаваны не зусім традыцыйна.

Грамадства

Барысаўскі мецэнат вяртае роднаму гораду славу культурна-гістарычнага цэнтра

Барысаўскі мецэнат вяртае роднаму гораду славу культурна-гістарычнага цэнтра

Паміж імі 150 гадоў, агульная малая радзіма — Барысаў і любоў да гісторыі.

Грамадства

Пераможцы конкурсу «Сям'я года — 2019» пра галоўнае ў сямейным шчасці

Пераможцы конкурсу «Сям'я года — 2019» пра галоўнае ў сямейным шчасці

Алена і Сяргей Нікалаевы, а таксама іх пяцёра дзяцей усё яшчэ пад уплывам сваёй трыумфальнай перамогі.