Штотыдзень у эфіры тэлеканала «Беларусь 3» віктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgomel.by або 3belarus.by і праз банер «Размаўляем па-беларуску» запоўніць заяўку на каманду з трох чалавек. Ну а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
ка́йстра — дарожная торба;
трыснё́г — балотная расліна;
дасці́пны — востры, смешны;
самаві́ты — мажны, дужага цела-
складу;
глю́га — дзюба драпежнай птушкі;
скру́ха — жаль, шкадаванне.
Як двойчы два — усё вельмі зразумела, проста, бясспрэчна. Беларусы яшчэ скажуць: як свет божы, як піць даць. Рускія: как дважды два, как божий день.
Ні села ні пала — неспадзявана, нечакана, без якіх-небудзь на тое падстаў. Беларускія адпаведнікі: не знай не ведай, без нічога ніякага. Рускія: ни с того ни с сего, с бухты-барахты.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
