Вы тут

А-Fest у Мінску сабраў больш як 100 тысяч чалавек


Тры дзясяткі забаўляльных пляцовак для рознага ўзросту, фота на памяць у самых утульных кутках Лошыцкага парка і некалькі гадзін міжнароднага музычнага марафону - трэці сталічны А-Fest прайшоў маштабна і пакінуў прыемныя ўражанні.


Бясплатны фестываль ежы, піва і музыкі, які ладзіцца ў сталічным Лошыцкім парку трэці год запар напярэдадні дня нараджэння легендарнага мінскага мэра, графа Чапскага, сёлета прапанаваў гасцям асобную дзіцячую пляцоўку, піўную кухню пад адкрытым небам і трох хедлайнераў -- беларусаў "Без білета", удзельніка французскага праекту Modjo Яна Дэсталя і брытанскую поп-спявачку Сафі Эліс-Бэкстар, якая, нягледзячы на далікатны стан (артыстка чакае пятае дзіця), з задавальненнем прыняла запрашэнне арганізатараў выступіць у Мінску.

Першая палова опэн-эйру сёлета атрымалася як ніколі сямейнай: спецыяльна для малых, якія маглі трапіць на мерапрыемства толькі ў суправаджэнні бацькоў, паблізу традыцыйнай паркавай лакацыі адкрыўся яшчэ адзін дзіцячы гарадок з гульнявой пляцоўкай ад "Палесся", разліўным квасам ды марозівам, размалёўкамі ў чалавечы рост і казачным аквагрымам. А пакуль дзятва сумеснымі намаганнямі вяла "будоўлю стагоддзя" з вялізнага канструктару, дарослыя альбо з камфортам размяшчаліся на пледах пад яблынямі, альбо наведвалі бліжэйшыя забаўляльныя пляцоўкі. Агулам арганізатары падрыхтавалі 30 разнастайных спосабаў актыўнага баўлення часу, ад папулярнай сярод эрудытаў "Мазгабойні" і тэсту на веданне беларускай мовы да мікрахакею ў боксах, жывых "крыжыкаў-нулікаў" і сімфоніі на піўных бутэльках.

Упершыню на адкрытай кухні A-Kitchen госці фестывалю маглі не толькі назіраць за кулінарным чараўніцтвам майстра -- кіраўніка Гільдыі шэф-повараў Беларусі Аляксандра Чыкілеўскага, але і самі далучаліся да прыгатавання шаурмы на хуткасць ды ўдзельнічалі ў дэгустацыі вулічнай ежы з заплюшчанымі вачыма.

Дарэчы, безумоўным тлустым плюсам трэцяга А-Festу стала вырашэнне некалькіх ключавых пытанняў усіх масавых мерапрыемстваў: практычная адсутнасць чэргаў у зоне фудкорту, вялізная колькасць прыбіральняў і прадуманая сістэма бяспекі, якая не замінала наведнікам, але давала пачувацца спакойна.

Слухаць і глядзець выступленні артыстаў можна было, не пакідаючы фудкорту: трансляцыя з галоўнай сцэны ішла на экране вышынёй без малога ў 2-павярховы дом. Але ўвечары, бліжэй да выступленняў асноўных музычных завадатараў, публіка падцягнулася бліжэй да сцэны і сусветныя хіты спявала ўжо шматтысячным хорам.

Паводле падлікаў арганізатараў, А-Fest-2018 наведала прыкладна тая ж колькасць людзей, што і летась -- больш за 100 тысяч чалавек. "Гэтым летам мы пастараліся зрабіць фэст яшчэ больш грандыёзным, "смачным" і музычным, парадаваць гасцей не толькі колькасцю, але і якасцю забаў", - адзначыў арганізатар фэсту, намеснік гендырэктара па маркетынгу кампаніі "Аліварыя" Тарас Мацыпура. -- Вынікам мы засталіся вельмі задаволеныя і матываваныя на тое, каб А-Fest стаў традыцыйным святам еўрапейскага ўзроўню для Мінска".

Вікторыя ЦЕЛЯШУК

Дадаць каментар

Выбар рэдакцыі

Грамадства

Партызанскія рукапісы — бясцэнныя сведчанні ваеннага часу

Партызанскія рукапісы — бясцэнныя сведчанні ваеннага часу

Партызанскія часопісы — насамрэч унікальныя інфармацыйныя зборнікі, значэнне і важнасць якіх разумелі ў тым ліку іх стваральнікі і чытачы.

Грамадства

Беларускія навукоўцы прадставілі больш за 300 распрацовак і тэхналогій

Беларускія навукоўцы прадставілі больш за 300 распрацовак і тэхналогій

На юбілейнай выстаўцы Нацыянальнай акадэміі навук.

Эканоміка

Ніна Жалязнова: Мы, беларусы, па сваёй ментальнасці — людзі зямлі

Ніна Жалязнова: Мы, беларусы, па сваёй ментальнасці — людзі зямлі

«Звязда» ўжо неаднойчы пісала пра гэту незвычайную жанчыну.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ўрокі іншай мовы і шчасце, калі ў доме гаспадар.