Вы тут

Затрыманы падазраваны ў незаконным абароце зброі


Як паведаміла ўпраўленне інфармацыі і грамадскіх сувязяў МУС, супрацоўнікі ГУ па барацьбе з арганізаванай злачыннасцю і карупцыяй затрымалі падазраванага ў незаконным абароце зброі.


7 верасня вечарам у аграгарадку Краснае Гомельскага раёна супрацоўнікі ДАІ спынілі аўтамабіль, якім кіраваў жыхар г. п. Гарадзея Мінскай вобласці. Пры аглядзе транспартнага сродку праваахоўнікі выявілі цюнінгаваны аўтамат Калашнікава з прыстасаваннем для бясшумнай стральбы, пісталеты Макарава і ТТ, па некалькі падрыхтаваных магазінаў да пералічанай зброі, 4 ручныя гранаты, 3 выбуховыя пакеты і сотні патронаў рознага калібру.

Па дадзеным факце Гомельскім раённым аддзелам Следчага камітэта 8 верасня была ўзбуджана крымінальная справа па ч. 2 арт. 295 КК Беларусі (незаконныя дзеянні ў адносінах да агнястрэльнай зброі, боепрыпасаў і выбуховых рэчываў).

Затрыманага пасадзілі ў ізалятар часовага ўтрымання, а ў яго кватэры, гаражы і службовым кабінеце правялі вобыскі. Праваахоўнікі канфіскавалі там зарэгістраваную зброю:
2 наразныя карабіны, 4 гладкаствольныя стрэльбы і 2 пісталеты, а таксама незаконна захованыя кулямёт, 5 аўтаматаў, 10 вінтовак, 10 пісталетаў, 28 гранат, 265 выбуховых прыстасаванняў, каля 2 кілаграмаў выбуховых рэчываў і каля 10 тысяч патронаў рознага калібру.

У ходзе далейшых аператыўна-вышуковых мерапрыемстваў па дадзенай справе быў затрыманы грамадзянін з блізкага асяроддзя фігуранта. Пры аглядзе яго жылля ў Брэсцкай вобласці знайшлі зарэгістраваныя наразны даўгаствольны карабін, гладкаствольную стрэльбу і незаконна захованыя 3 вінтоўкі, 3 гладкаствольныя паляўнічыя стрэльбы і 381 патрон рознага калібру.

У цяперашні час выяўляюцца крыніцы паходжання такога шырокага арсеналу і магчымыя саўдзельнікі фігуранта ў незаконным абароце зброі.

Сяргей КУЛАКОЎ

Загаловак у газеце: Арсенал зброі

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.