Тут інспектары затрымалі трох парушальнікаў, якія забілі токам каля тысячы рыб.
Тры быхаўчаніны арудавалі электравудай на рацэ Ухлясць. З дапамогай гэтай варварскай прылады браканьеры здабылі 922 асобіны розных відаў рыб — шчупака, плоткі, яльца, акуня і іншых — агульнай вагой 77 кілаграмаў. Шкода, нанесеная такой “рыбалкай”, вылічаецца ў пяцікратным памеры. У дадзеным выпадку яна склала амаль 145 тысяч рублёў, паведамілі ў Дзяржаўнай інспекцыі аховы жывёльнага і расліннага свету.
Парушальнікаў затрымалі на месцы злачынства, цяпер усе трое знаходзяцца ў ізалятары. Вырашаецца пытанне аб іх крымінальнай адказнасці.
Сяргей РАСОЛЬКА
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
