На гэтым тыдні ў Беларусь прыбыла каманда спецыялістаў Еўрапейскага вяшчальнага саюза, якая разам з Белтэлерадыёкампаніяй працуе над падрыхтоўкай фінальнага шоу дзіцячага «Еўрабачання-2018».
У прыватнасці, у Мінск прыляцеў шоу-прадзюсар конкурсу Гордан Банела, рэжысёр тэлевізійнай трансляцыі Марэк Міл і тэхнічны дырэктар Тармо Крым, які адказвае за ўзаемадзеянне з рознымі службамі «Мінск-Арэны». А крыху больш чым праз два тыдні пачнецца і абсталяванне сцэнічнай пляцоўкі, на якой неўзабаве пройдуць рэпетыцыі артыстаў з 20 краін-удзельніц.
Дарэчы, у адрозненне ад дарослага шоу, на дзіцячым, пачынаючы з мінулага года, можна галасаваць за сваю краіну. Інтэрнэт-галасаванне гледачоў стартуе за 48 гадзін да пачатку трансляцыі на афіцыйным сайце конкурсу junіоrеurоvіsіоn.tv, непасрэдна перад фінальным канцэртам прыпыніцца і адкрыецца зноў пасля выступлення ўсіх канкурсантаў, але толькі на 15 хвілін.
Вікіторыя ЦЕЛЯШУК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
