Вы тут

Сёння павышаюцца пенсіі, БПМ і мінімальныя спажывецкія бюджэты


У Міністэрстве працы і сацыяльнай абароны паведамілі пра тое, як з пачатку апошняга асенняга месяца ў краіне зменяцца дзяржаўныя выплаты для пенсіянераў, сем'яў з дзецьмі і людзей з інваліднасцю, а таксама крытэрыі патрэбнасці пры вызначэнні права на дзяржаўную адрасную сацыяльную дапамогу.


Працоўныя пенсіі павысяцца

У нашай краіне з 1 лістапада павышаюцца працоўныя пенсіі, у сярэднім на 5,3 %. Чакаецца, што сярэдні памер працоўных пенсій вырасце да 388,1 рубля, а сярэдні памер пенсіі па ўзросце — да 393,96 рубля. У гэтым годзе працоўныя пенсіі беларусаў ужо павышаліся двойчы — з 1 мая і 1 жніўня. У цэлым, як адзначаюць у Мінпрацы, у выніку зробленых у гэтым годзе пераразлікаў працоўныя пенсіі павялічацца на 22 %.

Вырастуць бюджэт пражытковага мінімуму і дзіцячыя дапамогі

З 1 лістапада вырасце бюджэт пражытковага мінімуму (БПМ) і, адпаведна, паднімуцца мінімальныя працоўныя і сацыяльныя пенсіі, некаторыя дзіцячыя дапамогі, прывязаныя да БПМ, а таксама зменяцца мінімальныя спажывецкія бюджэты.

Бюджэт пражытковага мінімуму ў лістападзе складзе 214,21 рубля. Ён будзе дзейнічаць да канца студзеня 2019 года.

Павелічэнне БПМ адаб'ецца і на аднаразовай дапамозе ў сувязі з нараджэннем першага дзіцяці, якая цяпер будзе раўняцца 2142,7 рубля, пры нараджэнні другога і наступных дзяцей памер аднаразовай дапамогі складзе 2998,94 рубля. Аднаразовая дапамога жанчынам, якія сталі на ўлік у дзяржаўных арганізацыях аховы здароўя да 12-тыднёвага тэрміну цяжарнасці, складзе 214,21 рубля.

Дапамога сем'ям на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў (штомесячная) складзе 107,11 рубля.

Дапамога на дзяцей, старэйшых за 3 гады, з асобных катэгорый сем'яў, прадугледжаных заканадаўствам (штомесячная):

— на дзяцей, старэйшых за 3 гады, якія выхоўваюцца ў такіх сем'ях (акрамя дзіцяці-інваліда), — 107,11 рубля;

— на дзіця-інваліда, старэйшага за 3 гады, — 149,95 рубля.

Дапамога па доглядзе дзіцяці-інваліда ва ўзросце да 18 гадоў (штомесячная):

— з І і ІІ ступенню страты здароўя да спаўнення дзіцяці 18 гадоў і з ІІІ і ІV ступенню страты здароўя да спаўнення дзіцяці 3 гадоў — 214,21 рубля;

— з ІІІ і ІV ступенню страты здароўя пасля спаўнення дзіцяці 3 гадоў — 257,05 рубля;

— дапамога на дзяцей ва ўзросце да 18 гадоў, інфіцыраваных вірусам імунадэфіцыту чалавека (штомесячная), складзе 149,95 рубля.

Павялічацца памеры мінімальных спажывецкіх бюджэтаў

Таксама з лістапада ўстаноўлены новыя памеры мінімальных спажывецкіх бюджэтаў (МСБ) для розных сацыяльна-дэмаграфічных груп:

для працаздольнага насельніцтва — 446,02 рубля;

для пенсіянераў — 349,35 рубля;

для студэнтаў — 328,98 рубля;

для дзяцей ва ўзросце да трох гадоў — 282,23 рубля;

для дзяцей ва ўзросце ад трох да шасці гадоў — 365,35 рубля;

для дзяцей ва ўзросце ад шасці да васямнаццаці гадоў — 379,23 рубля;

для сям'і з чатырох чалавек — 347,74 рубля;

для маладой сям'і з трох чалавек — 377,03 рубля.

Гэтыя памеры мінімальных спажывецкіх бюджэтаў будуць дзейнічаць да 31 студзеня 2019 года.

Святлана БУСЬКО

Загаловак у газеце: Што зменіцца ў лістападзе

Выбар рэдакцыі

Культура

Любоў Чаркашына: Мой стыль жыцця — не факусіравацца на дрэнным!

Любоў Чаркашына: Мой стыль жыцця — не факусіравацца на дрэнным!

Аб спорце, сакрэтах замужжа, выхаванні дзяцей, прыгажосці і здаровых звычках ў інтэрв’ю. 

Культура

Народны мастак Беларусі Леанід Шчамялёў: чалавек, паранены прыгажосцю

Народны мастак Беларусі Леанід Шчамялёў: чалавек, паранены прыгажосцю

Народны мастак можа быць прыкладам у тым, як ствараць свой лёс.

Грамадства

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Каманда «Доктар Хаусс» з Магілёва стала чэмпіёнам Вышэйшай лігі КВЗ-2022

Інтэрв’ю з капітанам каманды «Доктар Хаусс» Паўлам Малахавым.​