У нядзелю, 18 лістапада, раённы цэнтр Рэчыца адзначыць 75 гадоў вызвалення ад фашысцкіх захопнікаў.
Гэта аперацыя войскаў Беларускага фронту ўвайшла ў падручнікі гісторыі пад назвай Гомельска-Рэчыцкай. Яна пачалася 10 лістапада 1943 года з плацдарма на заходнім беразе Дняпра каля Лоева ў кірунку на Рэчыцу і Калінкавічы. Ударам у тыл саперніка войскі фронту 15 лістапада перарэзалі чыгунку Гомель — Калінкавічы, 18 лістапада вызвалілі Рэчыцу. Горад вызваляла 65-я армія генерал-лейтэнанта Батава пры падтрымцы аднаго са стралковых карпусоў 48-й арміі генерал-лейтэнанта Раманенкі і брыгад гвардзейскага Данскога танкавага корпуса. Войскам, якія ўдзельнічалі ў вызваленні Рэчыцы, была абвешчана падзяка, а вечарам 18 лістапада ў Маскве быў дадзены салют. Гэта быў першы салют за вызваленне гарадоў на тэрыторыі Беларускай ССР у гады Вялікай Айчыннай вайны.
Пры вызваленні Рэчыцы і населеных пунктаў раёна загінула больш за пяць тысяч салдат і афіцэраў Чырвонай Арміі.
Гомельска-Рэчыцкая аперацыя завяршылася 30 лістапада. У выніку яе войскі Беларускага фронту прасунуліся на захад на 130 кіламетраў. Такім чынам былі створаны спрыяльныя перадумовы для далейшага вызвалення Беларусі.
Ірына АСТАШКЕВІЧ
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
