Вы тут

У Мінску ўганаравалі лепшых салдат


У пятніцу ў Цэнтральным доме афіцэраў урачыста ўганаравалі лепшых ваеннаслужачых тэрміновай службы. Яны прадстаўлялі розныя віды войск. Юнакі за год дамагліся выдатных вынікаў у баявой падрыхтоўцы. 60 салдат і сяржантаў атрымалі гадзіннікі з рук Міністра абароны Андрэя Раўкова. 


Радавы Алег Філіповіч - адзін з 60 найлепшых салдат. Ён - кіроўца-экспедытар апаратнай. Служыць у Барысаве. Сам ён да таго жыў у Пухавічах. Адлегласць не такая і далёкая, але... 

- Сказаць па праўдзе, калі прыязджаюць кожны тыдзень, гэта для мяне не вельмі добра. Таму я папрасіў бацькоў, каб яны наведвалі мяне радзей. Я працую на аўтамабілі "Урал". Канешне, пасля легкавога аўтамабіля было крыху складана перасаджвацца за кіраванне такім габарытным аўтамабілем, але цярпенне і няспынная праца зрабілі сваю добрую справу. 

Прыемнай разынкай стала тое, што на свята былі запрошаны маці вайскоўцаў. У іх адрас прагучалі самыя цёплыя словы падзякі. Таксама ім былі ўручаны падзячныя лісты. 

Урачыстая цырымонія стала фінальным акордам адыходзячага навучальнага года ў беларускім войску. І наступны навучальны год будзе таксама няпростым і вельмі адказным. 

Міністр абароны Андрэй Раўкоў падзякаваў салдатам і сяржантам за іх нялёгкую працу. 

- Вы з тысяч вайскоўцаў сталі лепшымі. Менавіта вас выбралі камандзіры. Можна пачуць, што цяперашняе пакаленне не такое, як ранейшае. Але ў нас выдатная моладзь, з якой вырастаюць сапраўдныя патрыёты сваёй Радзімы. Мір і спакой на беларускай зямлі забяспечваюць салдаты, якія нясуць сваё баявое дзяжурства ўдзень і ўначы і здольныя выконваць любыя задачы нават у вельмі складаных умовах. Хачу сказаць мамам "дзякуй" за тое, што ў такіх выніках ёсць і вялікая частка вашай працы. Менавіта вы фармавалі характары і перакананні сваіх сыноў. 

Валяр'ян ШКЛЕННІК

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.