Вы тут

Скончана расследаванне крымінальнай справы аб махлярстве


Як паведамілі ў Следчым камітэце, скончана расследаванне крымінальнай справы аб махлярстве: 28-гадовы раней судзімы ўраджэнец Вілейкі ў перыяд з верасня 2017 года да верасня бягучага года выманіў грошы і маёмасць у 11 чалавек.


Мужчына, праяўляючы немалую фантазію, складаў розныя легенды для сваіх знаёмых, каб атрымаць ад іх грашовыя сродкі. Напрыклад, ён казаў пра тое, што яго бацька валодае бізнесам у Нарвегіі. Або расказваў пра цяжкахворую маці (якая на самай справе знаходзіцца ў месцах пазбаўлення волі).

Так, абвінавачаны атрымаў ад знаёмага 300 долараў, паабяцаўшы яму аформіць неабходныя дакументы для працаўладкавання ў фірму яго бацькі ў Нарвегіі, дзе той змог бы атрымліваць вялікую заработную плату.

Таксама мужчына браў грошы ў знаёмых, кажучы, што хоча купіць аўтамабіль ці што-небудзь з нерухомасці. Ахвярамі станавіліся і жанчыны, з якімі ён знаёміўся ў інтэрнэце. Мужчына браў у іх грошы нібыта для аплаты стаматалагічных паслуг, куплі жылля і аўтамабіля. Адна з пацярпелых, напрыклад, паддаўшыся на яго ўгаворы, здавала ў ламбард ювелірныя вырабы, якія мужчына абяцаў выкупіць пазней.

У ходзе расследавання праведзены допыты, вочныя стаўкі з удзелам абвінавачанага і пацярпелых, вывучана змесціва электронных прылад. Былі прааналізаваны звесткі аб тэлефонных перамовах і канфіскаваная дакументацыя, у тым ліку ў банкаўскіх установах і фірме, якая займалася здачай аўтамабіляў у арэнду.

Усяго ўстаноўлена 46 эпізодаў супрацьпраўнай дзейнасці абвінавачанага. Агульная сума шкоды склала больш за 56 тысяч рублёў.

Дзеянні жыхара Вілейкі кваліфікаваны па ч. 4 арт. 209 (махлярства) КК РБ. Да яго прыменена мера стрымання ў выглядзе ўзяцця пад варту. Крымінальная справа перададзена пракурору для накіравання ў суд.

Некалькі іншыя злачынства, але па тым жа артыкуле, здзяйсняў раней судзімы 49-гадовы ўраджэнец Брэсцкай вобласці ў перыяд з 2016 да 2018 года на тэрыторыі Мінска.

Прадстаўляючыся святаром, пад маркай правядзення абраду асвячэння жылля, ажыццяўлення ахвяраванняў, набыцця царкоўных свечак для правядзення набажэнства, развіцця камерцыйнай дзейнасці — ён завалодаў грашовымі сродкамі грамадзян на агульную суму больш за 49 тысяч рублёў.

Устаноўлена, што мужчына ніколі святаром не быў. Ён выкарыстаў адпаведнае царкоўнае адзенне і начынне, каб лягчэй было ўваходзіць у давер да людзей.

Усяго ўстаноўлена 12 эпізодаў такой злачыннай дзейнасці. Следчымі дапытана больш за 30 чалавек, праведзены вочныя стаўкі паміж пацярпелымі і абвінавачаным, вобыск па месцы жыхарства ілжэсвятара, накладзены арышт на яго маёмасць.

Мужчыну прад'яўлена абвінавачанне па ч. 4. арт. 209 КК РБ. Да яго прыменена мера стрымання ў выглядзе ўзяцця пад варту. Крымінальная справа перададзена пракурору для накіравання ў суд.

Сяргей КУЛАКОЎ

Загаловак у газеце: Махлярства на даверы

Выбар рэдакцыі

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.

Грамадства

Хто паставiць кропку ў спрэчцы вакол пакупкі за адну базавую?

Хто паставiць кропку ў спрэчцы вакол пакупкі за адну базавую?

Ранейшы ўласнiк цяпер звярнуўся ў суд i патрабуе вярнуць будынак.

Культура

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар Капыцько: У нашых прыдворных тэатрах ставіліся оперы, напісаныя тут, а не дзе-небудзь у Італіі

Віктар з'яўляецца аўтарам опер, сімфоній і кантат, яго музыка гучыць у розных кутках свету, а ў Беларусі з ім працуюць найлепшыя выканаўцы.

Культура

Дарогамі Славы. Простыя вяскоўцы

Дарогамі Славы. Простыя вяскоўцы

Уладзiмiр Амельяновiч і Апанас Кляцко.