Груган лунае над цяснінай

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».

вэ́рхал (разм.) — страшэнны беспарадак, неразбярыха;
цясні́на (адно са знач.) — рачная даліна з крутымі схіламі;
грэ́блівы — той, які адчувае агіду;
сква́пны — прагны да багацця;
вейкі — валаскі на краю павек;
груга́н — вялікая чорная птушка;
як след — належным чынам, так, як належыць нешта зрабіць (беларускія сінонімы: як мае быць, па ўсіх правілах; рускі адпаведнік: чин-чинарём);
з дна марскога (дастаць) — здабыць пры любых умовах, любым спосабам і абавязкова (беларусы яшчэ скажуць: на дне мора, на тым свеце; рускія: из-под земли).