Падчас дабрачыннай акцыі "Нашы дзеці" прадстаўнікі ваеннага камісарыята Фрунзенскага раёна Мінска павіншавалі з навагоднімі святамі выхаванцаў сталічнага дзіцячага дома №5.
- Кожнае дзіця і дарослы чалавек заўсёды чакае Новы год – гэта асаблівае свята! – адзначыў ваенны камісар Фрунзенскага раёна, палкоўнік Андрэй Кавалёў. - Кожны чакае выканання жаданняў і нейкага маленькага чараўніцтва!
Многія кажуць, што Дзеда Мароза не існуе, а на самай справе ў казку верыць трэба. Ад усяго асабістага складу ваенкамата дазвольце павіншаваць вас з Новым Годам, які ўжо надышоў, і Калядамі. А таксама - перадаць вам невялікія сціплыя падарункі. Жадаем вам моцнага здароўя, радасці, весялосці.
Святкаванне працягнулася ўрокам мужнасці "Быць сапраўдным мужчынам". Выхаванцы глядзелі дакументальны фільм, гутарылі з прадстаўнікамі ваеннага камісарыята. Яны цікавіліся ўмовамі паступлення ў ваенныя навучальныя ўстановы. Госці падзякавалі выхаванцам за цёплы прыём, зрабілі сумеснае фота на памяць.
Ганна ЗАНКАВІЧ
Фота аўтара
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?